Film 2012 Maniac
C'l artìcul chè 'l è scrit in Miranduléś
Miranduléś Maniac | ||
| Maniac | ||
.png) Elijah Wood in na figùra dal film | ||
| Manìac 2012 | ||
|---|---|---|
| Regìa: Franck Khalfoun | ||
| Scritōr: Joe Spinell • Alexandre Aja Grégory Levasseur | ||
| Atōr: Elijah Wood • Nora Arnezeder • Megan Duffy Jan Broberg • America Olivo • Joshua Delagarza | ||
| Müsica: Robin Coudert | ||
| Léngua: Ingléś | ||
| Dürä dal film: 89 minüt | ||
| Nasiōṅ: Stat Unî • Frància | ||
Maniac (Manìac) 'l è 'n film ad scarésa dal 2012 ad Franck Khalfoun ch'l è 'l arfacimènt dna pelìcula dal 1980 ad William Lustig, Maniac. 'L è stâ girâ a Los Angeles c'n un budget ad siē migliòṅ ad dòlar.
Sunt
Frank Zito (Elijah Wood) 'l è 'n śōvan califurgnàṅ ch'al giùsta di manichèṅ da dóna, un mistēr ch'al pòrta avànti da quànd 'l à ereditâ la butéga 'd famìja e da quànd cla rója 'd sò màdar, l’Angela (America Olivo), l'è mòrta. Chi lē, fiṅ da quànd lò 'l éra pìcul, la s purtàva a cà di óm da gusàr e la 'l fava anc in fàcia a lò. Adès Frank, ch'l è armàś sgnâ a fòrsa 'd védar dal purcàdi dal gènar, 'l è ciucâ in dla tèsta e al gh'à di prubléma cun cal dóni.
Na sira al và a fóra a séna cun na ragàsa ch'l iva cgnusû in chat, la Lucie (Megan Duffy), e quànd al la pòrta a cà chi lē la gh śibìs 'd andàr sèg in dal sò apartamènt. La Lucie la gh mét dū secónd a cavàr-as śò e pò la gh salta adòs in dal lèt ma Frank al la stròsa par pò cavàr-ag via la pèla dla testa c'n al tacadùri di cavìi. Turnâ a cà al taca 'l scalp a òṅ di sò manichèṅ che pò al decìd ad tgnir-'s in dla sò cambra.
Al dè dòp a riva in dla sò butéga na futógrafa ad nóm Anna (Nora Arnezeder) ch'la vrév tōr di sò manichèṅ parchè la gh'à da far na móstra. I dū i dvèn't anc amìg ma la matéria ad Frank la n è minga pasàda e gnanc al sò visi ad purtàr via i scalp da 'l sò vitmi.
Culegamènt estéran
This article uses material from the Wikipedia Emiliàn e rumagnòl article Maniac (film 2012), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.