Maine

Al Maine (a s lèś [ˈmeɪn] in ingléś, scólta'l chè) 'l è 'n stat di Stat Unî ch'al s cata in dla regiòṅ dal New England. Al s è unî a la federasiòṅ in dal 1820 e 'l gh'à 'n clima cuntinentàł.

Al mùcia sù da piò 'd un migliòṅ e tri 'd abitànt, dagnóra tut biànc parchè i rìv'n a 'l 95.2%, par na superfìsi ad 91.646 km². 'L è divìś in sédas cuntèi e in quatarsènt-sinquantasìnc cumùṅ.

La sò capitàl l'è Augùsta, paiśèṅ ch'al n fà sù gnanc gl'abitànt ad Miràndla, méntar la sò sità più granda l'è Pòrtland. Al sò mòt, in latìn, 'l è „Dirigo“ ch'a vōl dir „A dirìś“ mént'r al sò scutmàj 'l è Al stat di tri pîṅ.

Al cunfìna a nòrd e a òvest c'n al Cànada, a èst cun 'l Ucéan Atlàntic e a sud-òvest c'n al New Hampshire.

L'ecunumìa dal stat la pōl cuntàr su i prudót di camp (patàchi, cagapùi, póm, mēl e vardùra), su la lavurasiòṅ d'l àcer (sùcar e siròp) su 'l alevamènt (pui e óṿ specialmènt) e su la pésca, anc spurtìva. Inólt'r a s lavóra la carta e 'l légn. In dal Maine a s cata anc al The Jackson Laboratory, al laburatòri 'd risérchi genétichi non-profit su i mamìfar più grand a 'l mónd.

Al sò guvernadōr, da 'l 2011, 'l è Paul LePage dal partî republicàṅ.

Culegamènt estéran

• (EN) Al sit ufisiàł