Film 1991 Madame Bovary
C'l artìcul chè 'l è scrit in Miranduléś
Miranduléś Madame Bovary | ||
| Madame Bovary | ||
 La Huppert e Malavoy in na figùra dal film | ||
| La Sgnōra Bovary 1991 | ||
|---|---|---|
| Regìa: Claude Chabrol | ||
| Scritōr: Gustave Flaubert • Claude Chabrol | ||
| Atōr: Isabelle Huppert • Jean-François Balmer Jean Yanne • Christophe Malavoy • Lucas Belvaux Florent Gibassier • Marie Mergey • Sabeline Campo Jean-Louis Maury • Christiane Minazzoli • Henri Attal | ||
| Müsica: Jean-Michel Bernard Matthieu Chabrol • M.J. Coignard-Helison | ||
| Léngua: Francéś | ||
| Dürä dal film: 143 minüt | ||
| Nasiōṅ: Frància | ||
Madame Bovary (La Sgnóra Bovary) 'l è 'n film dramàtic dal 1991 ad Claude Chabrol trat da 'l rumànś umònim ad Gustave Flaubert.
La pelìcula l'è stada numidàda a i Prèmi Òscar in dla categurìa di custùm méntar la prutagunìsta, l'Isabelle Huppert, l'è stada premiàda a 'l Moscow International Film Festival.
Sunt
In dal 1837, durànt na vìśita, al dutōr Charles Bovary (Jean-François Balmer), ch'al viṿ in dla campàggna dla Nurmandìa, al cgnós inamurànd-as l’Emma Roualt (Isabelle Huppert), fiōla 'd un cuntadèṅ, Rouault (Jean-Claude Bouillaud). Dū méś dòp chi lò al gh la śibìs cuma mujér.
L’Emma, ch'l'à sèmpar lèt di lìbar rumàntic e ch'l'à sèmpar sugnâ par lē na vita in dal lus e pîna 'd aśi, la s cata subìt mâl sèg, c'n un óm ch'al gh vōl bèṅ dimóndi ma ch'l è na piva e ch'l è cumpàgn a di àtar ch'i s càtan dapartut. Gnanc quànd a nas la sò putìna Berthe al ròbi i càmbian.
La dóna la s buta prima in di bras ad Léon Dupuis (Lucas Belvaux), praticànt in léǵ ch'al lavóra da 'n nudàr ch'al gh n dà minga sperànsa, e pò in qvéi dal squasamarléti Rodolphe Boulanger (Christophe Malavoy) che però al sa stufa prèst ad lē. Dòp èsar turnàda p'r un pôc insém a Léon, l’Emma la s cata in di guàj p'r avér fat di dèbit, sénsa dir gnint a sò marè, par cumpràr-as di vistî nóṿ e di òr. Dòp ch'al strusèṅ ch'al gh'iva dâ i bèsi, Lheureux (Jean-Louis Maury), al i vōl indrē a cóst ad purtàr-ag via incòsa, la dóna la và a pascàr incóra Rodolphe par dmandàr-'g-i in prèst ma chi lò al gh cònta na bala dgénd-ag ch'al n gh i à briśa.
Daspràda, l’Emma la decìd acsè ad tōr-as la vita, mandànd śò d'l arsènig.
Culegamènt estéran
This article uses material from the Wikipedia Emiliàn e rumagnòl article Madame Bovary (film 1991), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.