C'l artìcul chè 'l è scrit in Miranduléś
Ian Fraser Kilmister, dit Lemmy (Stoke-on-Trent, 24 ad Dicémbar dal 1945 – Los Angeles, 28 ad Dicémbar dal 2015), 'l è stâ 'n cantànt, sunadōr e cumpuśidōr britànic, na quàlc vòlta anc atōr.
Cgnusû anc cuma Ian Fraser Willis e cuma Lemmy the Lurch, 'l è stâ 'l fundadōr e 'l leader dal grup heavy metal di Motörhead in dua 'l sunàva 'l bas. Sèg 'l à fat vgnir fóra vint-a-tri àlbum in studi, òt disc da 'l viṿ, òt racòlti e vint-sèt sìngui. Fra i sò più grand sustenidōr a gh'éra 'l grup di Metallica.
Lemmy al gh'iva na ghigna che ninsòṅ a psiva cunfónd'r-as. Al tgniva i cavìi lung e al gh'iva dū agnèi bèi grôs in sal ganàsi e dal baśéti tacàdi a i barbìś sénsa gnint in sla baśèla cuma i fàvan chi óm in d'l Utsènt. Al gh'iva na vóś ragajàda e al s mitìva da spés di capèi da cowboy, di stivài e di uciài da sōl, purtànd dal mdaj e di sìmbui prusiàṅ e tedésc.
'L è stâ cumpagnâ cun la Lita Ford. 'L è mòrt a stant'an ad càncar: i gh 'l ìvan catâ sōl dū dè prima.
This article uses material from the Wikipedia Emiliàn e rumagnòl article Lemmy Kilmister, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.