La Vedova Inconsolabile Ringrazia Quanti La Consolarono
C'l artìcul chè 'l è scrit in Miranduléś
Miranduléś La vedova inconsolabileringrazia quanti la consolarono | ||
 La Fenech e la Didi Perego in na figùra dal film | ||
| La védva incunsulàbila la ringràsia quéi ch'i l'aṅ cunsulàda 1973 | ||
|---|---|---|
| Regìa: Mariano Laurenti | ||
| Scritōr: Aldo Grimaldi | ||
| Atōr: Edwige Fenech • Carlo Giuffré • Didi Perego Guido Leontini • Pino Ferrara • Carla Mancini Franco Ressel • Paola Arduini • Angela Leontini Fortunato Cecilia • Luigi Antonio Guerra | ||
| Müsica: Bruno Nicolai | ||
| Léngua: Itagliàṅ | ||
| Dürä dal film: 105 minüt | ||
| Nasiōṅ: Itàglia | ||
La vedova inconsolabile ringrazia quanti la consolarono (La védva incunsulàbila la ringràsia quéi ch'i l'aṅ cunsulàda) 'l è 'n film da rìdar dal 1973 ad Mariano Laurenti girâ a Acireàł.
Sunt
Dòp la mòrt dal ric marè Salvatore Santonocito (Mario Maranzana) durànt 'n incidènt in màchina, la bèla mujér Caterina Prevosti (Edwige Fenech) la ciàpa sōl 'l uśufrùt dla cà in Sicìglia parchè chi lò al n iva minga fat testamènt, dònca i s mét'n in bisàca incòsa i sò dū fradèi, Nico (Pino Ferrara) e Tano (Guido Leontini). 'L avucàt Baldo (Franco Ressel) e sò màdar, la Francesca (Didi Perego), i próan a śugàr la carta 'd un putèṅ che sò fiōla l'è drē a spétar da lò p'r arbaltàr tut ma Tano al s la rid parchè al sà che Salvatore 'l éra stéril. Al nutàr Perla (Enzo Andronico) al diś ch'a gh'è da védar s'l è véra dabòṅ e al gh dà tarśènt dè par dimustràr-al, acsè a diś la léǵ ch'la dascór ciàra.
La Teresa la tira fóra gl'ungi e la vōl che sò fiōla la vaga a lèt cun di óm basta ch'a sia giùst p'r armàgnar gravda, s'a n sarà minga 'l prim a và bèṅ anc al secónd, in na quànc manéra la śgógna la rivarà anc se Tano al gh diś ch'al farà tgnir 'd òć la vila par paràr via c'l uśèl lè e anc tut chi àtar ch'i sarésan pò qvéi più periculóś. 'L avucàt al s tira indrē parchè 'l è fnòć e anc la Caterina a 'l inìsi la n è minga tant dl'idéa parchè la n vōl briśa pasàr par na dunàsa ma pò, p'r a n dar-la minga vinsa a sò cugnâ ch'l à śluntanâ tut i óm da la cà, la càmbia regìstar. La védva la decìd 'd urganiśàr na fèsta p'r arcurdàr sò marè sprand acsè ad cgnós'r un quàlc sò amìg ch'a gh vaga bèṅ p'r al lavursèṅ ch'la gh'à da far e la 'l cata in Carlo Niscemi (Carlo Giuffrè) ma chi lò 'l è lè sōl par purtàr via da la casafòrt dal trati par di dèbit ch'l iva fat cun cal strusèṅ ad Salvatore.
La màdar dla Caterina la 'l bèca e la gh dà 'l órdan 'd andàr a lèt cun sò fiōla in cambi dal trati. Ma lò al n è mia bòṅ ad gusàr-la parchè al gh'à 'l cumplès dal putàṅ e a gh tira sōl cun la Francesca. Chi lē alóra la s inśégna pinsànd ad scambiàr-'s ad pòst ad nascòst cun la Caterina. Tarśènt dè dòp a sucéd acsè ch'al dū dóni i parturìsan dū putèṅ parchè Nico, ch'al n pinsàva minga a i bèsi ma sōl a saltàr adòs a sò cugnàda ch'a gh piaśìva tròp, 'l iva gusâ la màdar cardénd ch'la fus invéci la Caterina.
Culegamènt estéran
This article uses material from the Wikipedia Emiliàn e rumagnòl article La vedova inconsolabile ringrazia quanti la consolarono, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.