La Nebbia Degli Orrori
C'l artìcul chè 'l è scrit in Miranduléś
Miranduléś The Lost Continent | ||
| La nebbia degli orrori | ||
 L'Hildegard Knef in na figùra dal film | ||
| La fumàna dal scarési 1968 | ||
|---|---|---|
| Regìa: Michael Carreras • Leslie Norman | ||
| Scritōr: Michael Carreras • Dennis Wheatley | ||
| Atōr: Eric Porter • Hildegard Knef • Tony Beckley Suzanna Leigh • Nigel Stock • Donald Sumpter James Cossins • Ben Carruthers • Reg Lye Neil McCallum • Dana Gillespie • Jimmy Hanley | ||
| Müsica: Gerard Schurmann | ||
| Léngua: Ingléś | ||
| Dürä dal film: 91 minüt | ||
| Nasiōṅ: Régn Unî | ||
La nebbia degli orrori (La fumàna dal scarési) 'l è 'n film dal 1968 dal gènar fantàstic ad Michael Carreras ch'al 'l à anc scrit, druànd al pseudònim ad “Michael Nash”, tulénd spunt da 'n rumànś dal 1938 ad Dennis Wheatley, „Uncharted Seas“. Sénsa èsar nutâ ufisialmènt, a la regìa a gh'à laurâ anc Leslie Norman.
In Itàglia 'l è cgnusû anc c'n al tìtul 'd Il continente scomparso (Al cuntinènt sparî).
Sunt
Al capitàṅ Lansen (Eric Porter) al cmanda na naṿ Corita ch'la gh'à da purtàr dla gint a Caràcas. A bōrd a gh'è di persunàǵ ch'i gh'aṅ tut di mutìṿ par lasàr al pòrt ad Freetown e quèl da lugàr. A gh'è 'l dutōr Webster (Nigel Stock) e sò fiōla Unity (Suzanna Leigh), al trufadōr imbariagòs Harry Tyler (Tony Beckley) e la sgnōra Eva Peters (Hildegard Knef) ch'l'à rubâ di tìtui par pagàr al riscàt ad sò fiōl parśunēr in Venesuéla. Sèg la s è purtàda 'l sò avucàt, Ricaldi (Ben Carruthers).
In dla stiva, lugâ in soquànt cuntenidōr śai, a gh'è dal fòsfur biànc dimóndi periculóś. Al cmandànt 'l al diś a 'l Prim Uficiàł Hemmings (Neil McCullum). Quànd a gh vîṅ un śbràg in dal fónd dla naṿ, 'l equipàǵ al vrév mulàr incòsa parchè a gh'è di risć ma Lansen al n in vōl savēr. Un grup al gh la cava listés a 'lvàr al téndi, pò anc Lansen al gh'à da far àtar tant quànd 'l inśgnēr cap Nick (James Cossins) al gh fà savēr ch'al n è mia bòṅ ad giustàr al generadōr.
A n sèrt punt 'l equipàǵ 'l incróśa na naṿ in dua a gh'è di suldâ spagnōi dla rasa di antìg inquiśidōr. A cmandàr-i a gh'è 'n putèṅ dit "El Supremo" (Darryl Read). Ma in gir a gh'è anc di móstar marèṅ e dal piànti e di alghi magna-carna.
Culegamènt estéran
This article uses material from the Wikipedia Emiliàn e rumagnòl article La nebbia degli orrori, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.