C'l artìcul chè 'l è scrit in Miranduléś
La montagna del dio cannibale | ||
La Andress e Cassinelli in na figùra dal film | ||
La muntàgna dal dio canìbal 1978 | ||
---|---|---|
Regìa: Sergio Martino | ||
Scritōr: Cesare Frugoni • Sergio Martino | ||
Atōr: Ursula Andress • Claudio Cassinelli Stacy Keach • Lanfranco Spinola • Carlo Longhi Antonio Marsina • Franco Fantasia • T.M. Munna | ||
Müsica: Guido e Maurizio De Angelis | ||
Léngua: Ingléś • Singaléś | ||
Dürä dal film: 99 minüt | ||
Nasiōṅ: Itàglia |
La montagna del dio cannibale (La muntàgna dal dio canìbal) 'l è 'n film ad scarésa e 'd aventùra dal 1978 ad Sergio Martino, pruibî in dal Régn Unî in fiṅ a 'l 2001 esénd batśâ cuma video nasty.
La Susan Stevenson (Ursula Andress) 'l è in pinsēr par sò marè antrupòlug Henry (Tom Felleghy) ch'l è sparî in na giùngla dla Guinèa Nóva. Insém a sò fradèl Arthur (Antonio Marsina) e a 'l prufesōr Edward Foster (Stacy Keach), ch'al créd ch'al sia finî vèrs la muntàgna Ra Ra Me, i partìsan p'r andàr a catàr-al.
La gint dal pòst la créd ch'la muntàgna la sia maladìda ma lì lōr i gh vànan listés ad nascòst. Dòp di brut epiśòdi cun di aligadōr, dal taràntli e di anacónda, al grup 'l incróśa un tisi ciamâ Manolo (Claudio Cassinelli), lè in na misiòṅ, ch'al s unìs sèg. A dir dabòṅ però la dóna la n è minga lè par pascàr sò marè ma piutòst par catàr di giacimènt 'd uràni méntar Foster al pésca vindéta cónt'r i salvàdag primitìṿ che soquànt an prima i 'l ìvan fat parśunēr ma purtròp al mōr śliciànd śò da na cascàda.
Rivâ su la muntàgna, i salvàdag canìbai i i ciàpan tut masànd subìt al pòvar Arthur e purtànd chi àtar dū in dla sò gròta. Chè la Susan la gh'à la manéra 'd véd'r al cadàvar 'd sò marè mèś marsî.
This article uses material from the Wikipedia Emiliàn e rumagnòl article La montagna del dio cannibale, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.