C'l artìcul chè 'l è scrit in Miranduléś
Child's Play 3: Look Who's Stalking | ||
La bambola assassina 3 | ||
Fine e 'l putòć ad Chuchy in na figùra dal film | ||
La bàmbula ch'la cópa 3 1991 | ||
---|---|---|
Regìa: Jack Bender | ||
Scritōr: Don Mancini | ||
Atōr: Justin Whalin • Perrey Reeves • Travis Fine Jeremy Sylvers • Andrew Robinson • Peter Haskell Dean Jacobson • Dakin Matthews • Burke Byrnes | ||
Müsica: Cory Lerios • John D'Andrea | ||
Léngua: Ingléś | ||
Dürä dal film: 90 minüt | ||
Nasiōṅ: Stat Unî • Régn Unî |
La bambola assassina 3 (La bàmbula ch'la cópa 3) 'l è 'n film ad scarésa americàṅ dal 1991 ad Jack Bender scrit par lò da Don Mancini. 'L è 'l tèrs film dla sèrie dòp La bambola assassina 2 dal 1990.
Custâ trédas migliòṅ ad dòlar, al 'n à pò fat sù da piò ad vint.
I èṅ pasâ òt an da quànd a 'l putòć treménd ad Chucky a gh'è sćiupâ la tèsta in dla fàbrica ch'la fava al bàmbuli dla sèrie “Tipo Bello”. Adès qvéi dla "Play Pals Toy Company" i gh'àṅ in tèsta l'idéa ad turnàr-i a far parchè i crédan ch'la gint in cal méntar la s sia daśmindgàda incòsa. Durànt i lavōr ad ristruturasiòṅ, un scavadōr al ciàpa incòst a i pès ad guma fuś ch'i gh'èṅ armàś ad Chucky e 'n spric ad sangṿ al partìs p'r andàr a finìr in dla cistèrna par la plàstica da druàr par far sù i bambulòt. 'L è acsè che Chucky al tórn' incór' in vita.
Andy Barclay (Justin Whalin) 'l è dvintâ grand, 'l à muciâ sù séd'ś an, e adès al s fà i òs in n'acadèmia militàra. Al culunèl Cochran (Dakin Matthews), al cmandànt dla scōla, al gh cunsìlia ad daśmindgàr-'s in présia al sò fantaśìi a prupòśit dla bàmbula. In dla scōla Andy al dvènt' amìg 'd Harold Aubrey Whitehurst (Dean Jacobson), ad Ronald Tyler (Jeremy Sylvers) e dla Kristin DeSilva (Perrey Reeves), una ch'la gh piàś dimóndi. Invéci al ròbi i n vànan minga tant bèṅ cun Brett C. Shelton (Travis Fine), al cap dal còrp di cadét ch'al fà da spés al fùrub sèg dand-'g adòs.
Un dè Tyler al vèra par śbali na scatla cun Chucky dèntar ch'l'éra stada mandàda a Andy. In cla manéra chè 'l è lò qvél destinâ a dar spasi a 'l spìrit dal serial killer Charles Lee Ray imparśunâ in dal còrp dal putòć.
This article uses material from the Wikipedia Emiliàn e rumagnòl article La bambola assassina 3, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.