L'insegnante Viene A Casa
C'l artìcul chè 'l è scrit in Miranduléś
Miranduléś L'insegnante viene a casa | ||
 La Fenech e Montagnani in na figùra dal film | ||
| L'insgnànta la vîṅ a cà 1978 | ||
|---|---|---|
| Regìa: Michele Massimo Tarantini | ||
| Scritōr: Michele Massimo Tarantini Luciano Martino • Jean Louis Marino Onorati • Francesco Milizia | ||
| Atōr: Edwige Fenech • Renzo Montagnani Alvaro Vitali • Lino Banfi • Lucio Montanaro Marco Gelardini • Carlo Sposito • Gisella Sofio | ||
| Müsica: Franco Campanino | ||
| Léngua: Itagliàṅ | ||
| Dürä dal film: 90 minüt | ||
| Nasiōṅ: Itàglia • Frància | ||
L'insegnante viene a casa (L'insgnànta la vîṅ a cà) l'è na cumèdia spurcaciòna dal 1978 ad Michele Massimo Tarantini.
Sunt
La Luisa De Dominicis (Edwige Fenech) l'è n'insgnànta 'd piàṅ ad Milàṅ ch'la gh'à na stòria cun 'n asesōr ad Lucca ciamâ Ferdinando Bonci Marinotti (Renzo Montagnani) ch'al vrév dvintàr sìndig, dasciòlda-crist in pùblic ma dimóndi malnét in privâ. Fra 'l àtar 'l è anc bèla spuśâ cun na tetóna (Ria De Simone) ma 'l preferìs tgnir lugâ 'l sò segrét faghénd-la pasàr par sò màdar malàda.
Un dè la Luisa la decìd ad spatinàr in dla sità tuscàna e la tōś in afìt 'n apartamènt da 'l dutōr Busatti (Gianfranco Barra) ch'al gh 'n à òṅ lìbar pròpria darènt al suo. Al mèdag 'l è spuśâ cun na dóna emigliàna piutòst braghéra, la Teresa (Gisella Sofio), e 'l gh'à 'n fiōl śōvan ciamâ Marcello (Marco Gelardini) ch'al gh'à na vója mata 'd gusàr acsè cuma i sò amìg Roberto (Lucio Montanaro), fiōl dal culunèl Marullo (Carlo Sposito), e Ottavio (Alvaro Vitali), fiōl dal purtēr dal palàs Amedeo (Lino Banfi).
Quànd la Luisa la riva in dal cundumìni i tri ragàs i crédan par śbali ch'la faga la putàna e i decìd'n ad far un buś in dal mur par tgnir-la 'd òć méntar la fà la dócia. Anc al dutōr Busatti al próa a far al galét sèg ma a cunquistàr al cōr dla bèla insgnànta a sarà invéci sò fiōl Marcello.
Culegamènt estéran
This article uses material from the Wikipedia Emiliàn e rumagnòl article L'insegnante viene a casa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.