C'l artìcul chè 'l è scrit in Miranduléś
L'affare s'ingrossa | ||
Gino Bramieri e la Gloria Guida in na figùra dal film | ||
Al bagàj al śgrandìs 1977 | ||
---|---|---|
Regìa: Giovanni Narzisi | ||
Scritōr: Giovanni Narzisi | ||
Atōr: Gino Bramieri • Gloria Guida • Luciano Salce Stefania Casini • Carlo Giuffré • Vittorio Caprioli Aldo Maccione • Gianfranco D'Angelo • Adriana Asti Orazio Orlando • Dayle Haddon • Salvatore Furnari | ||
Müsica: Lelio Luttazzi | ||
Léngua: Itagliàn • Francéś • Spagnōl • Tedésc | ||
Dürä dal film: 104 minüt | ||
Nasiōṅ: Itàglia |
L'affare s'ingrossa (Al bagàj al śgrandìs) l'è na cumèdia eròtica a epiśòdi dal 1977 scrita e dirèta par Giovanni Narzisi. In séguit 'l è anc stâ distribuî c'n al tìtul ad Maschio latino... cercasi.
In dal film a s pōl sintìr dū canti 'd Elvius Prickli, Latin Lover e Give Me.
Un turìsta tedésc (Gianfranco D'Angelo) al finìs a Nàpuli pascànd dal baghéti ad quatór'ś an da ciulàr. Carmine (Vittorio Caprioli) 'l al fréga vindénd-'l a 'n travestî (Mauro Vestri).
Al sgnōr Bislecchi (Gino Bramieri) 'l è 'n vèć imprenditōr inamurâ dna śuvnòta ch'la fà di film eròtic cuma Vìrgin ma sōl in di òć, la Gigia (Gloria Guida). P'r al fat che chi lē la n in vōl pròpria savēr par via dla difarénsa di an, 'l óm al decìd ad far-'s arfàr par parēr più śōvan. Al dmanda acsè ajùt a 'n mèdag ch'al tîṅ adrē a 'l naśiśum, al dutōr Himler (Gino Bramieri). 'L intervènt al và bèṅ ma 'l mèd'g al gh diś ad spetàr almànc dū stmani prima 'd gusàr o sinò al và in a risć ad frustàr incòsa e ch'a cróda śò tut. Putròp la ragasōla, quànd l'al véd, la gh'à na vója e la 'l vōl far subìt.
Al làd'r Amilcare (Aldo Maccione), dòp èsar vgnû fóra 'd parśòṅ, al vōl a tut i cóst viulèntàr la sò avucàta (Dayle Haddon), mujér 'd un culunèl in pensiòṅ (Luciano Salce). Ma prima al vōl savēr quànt aṅ i gh darévan par cal reàt lè sprand invéci ad ciapàr l'amnistìa.
Gennarino (Orazio Orlando) 'l è 'n napulitàṅ emigrâ in Germàgna cun sò mujér, l’Anna (Stefania Casini). Par muciàr sù di bèsi abàsta par vìvar 'l è custrét a giràr un film pòran ma 'l fà fadìga a gusàr, a part quànd 'l al pōl far cun l’Anna ch'alóra sè ch'al gh dà dèntar.
Al baròṅ sicigliàṅ Nicolino di Castropizzo (Carlo Giuffrè) 'l è spuśâ cun la Sisina (Adriana Asti). Un dè lò al decìd ad far un scambi ad còpia cun di tedésc e acsè al partìs par la Germàgna cun sèg la sò dóna che però la n in vrév savēr. Quànd i èṅ là però la Sisina la gh cata gust e la gh dà dèntar dimóndi tant che sò marè al gh dà pò dla rója nimàla.
This article uses material from the Wikipedia Emiliàn e rumagnòl article L'affare s'ingrossa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.