Artécol in dialèt arzân
L'Uspési ( Villa Ospizio in italiân) l ‘é un popolôṣ quartêr a matèina dal cèinter stôrich ed Rèz. Còsta l’é ‘na vècia véla ciamêda acsé per un Uspési, fundê int al 1668 da i Pêder Ménim, dóve gh’êra al Ricôver. Al fà pêrta ed la Circoscrisiòun Nord-Est (vècia N.6)
I cûnfîn ed l’Uspési în
La cēṣa parochiêla ed l’Uspési l’é stêda tirêda só int al 1769 insém a ‘na capèla pió vècia dedichêda a Sân Francèsch da Paola. Arfâta tr’al 1815 e al 1839 ind la fōrma dal dé d’incō, la facêda l'é stêda finîda int al 1906, tóta la cēṣa l’é stêda restarvêda int al 1920. Sōvra 'l purtêl d’ingrès a gh’é ‘na bèla côpia só tèila dal Crést in Crōṣ ed Reni.
Insém a la via Emélia ed frûnt al ristorânt “Mac Donalds” a gh’é ‘na vèla in mèz al vèird, l’éra la cà dal famōṣ tenôr arzân Ferruccio Tagliavini. Fîn a la fîn ed la guèra a l’Uspési a gh’êra la cà dal fâsio. Sté fabrichêt, cambiê e mudê ind al cōrs di ân, al gh’é incòra. L’é ind l’ângol tra la via Emélia e via Maria Melato, ed fiânch al “Mac Donalds”.
This article uses material from the Wikipedia Emiliàn e rumagnòl article L’Uspési (Rèz), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.