Film 2006 Inganno Fatale
C'l artìcul chè 'l è scrit in Miranduléś
Miranduléś Deceit | ||
| Inganno fatale | ||
.png) L'Emmanuelle Chriqui in na figùra dal film | ||
| Imbròj fatàł 2006 | ||
|---|---|---|
| Regìa: Matthew Cole Weiss | ||
| Scritōr: Scott Malchus • Matthew Cole Weiss | ||
| Atōr: Emmanuelle Chriqui • Matt Long • Pell James Luke Mably • Joe Pantoliano • Adrienne Barbeau Timothy Bottoms • Ashley Scott • Jon Abrahams | ||
| Müsica: Dan Silver | ||
| Léngua: Ingléś | ||
| Dürä dal film: 88 minüt | ||
| Nasiōṅ: Stat Unî | ||
Inganno fatale (Imbròj fatàł) 'l è 'n thriller par la televiśiòṅ girâ in dal 2006 par Matthew Cole Weiss ch'al 'l à scrit insém a Scott Malchus.
L'è stâ girâ a Los Angeles (Califòrgna).
Sunt
Par la làurea 'd sò fiōl Dave (Matt Long), 'l ùnic dla sò rasa a cavàr-'g-la, Martin Ford (Timothy Bottoms) 'l urganìśa na fèsta in dal bar ad famìja purtâ avànti p'r al sò amìg Anthony (Joe Pantoliano), un tisi ch'in pasâ al gh'à abû di prubléma cun la giustìsia. Dave al taca a balàr cun l’Emily Dorrow (Emmanuelle Chriqui), la muróśa dal sò mijór amìg Brian (Luke Mably), pò finìda la siràta, aprufitànd dal fat ch'al sò amìg 'l è a lèt cun la ciùca, al fà sès cun la sò dóna.
Dave al s trasferìs a New York par studiàr d'avucàt e al s mét cun na giurnalìsta biónda ciamàda Claudia (Pell James) ma na nòt al ricév na telefunàda ch'la gh diś che sò pàdar 'l è mòrt. Al ragàs al tórna a 'l sò paéś p'r al funeràl e 'l gh'à la manéra 'd véd'r incóra l’Emily ch'in cal méntar la s è spuśàda cun Brian. Chi lē però la cunfèsa a Dave ad pinsàr sèmp'r a cla nòt là e ch'la s è pintìda 'd avēr sarnî 'l óm śbaliâ. La Claudia la naśa quèl e la decìd gelóśa 'd turnàr a New York ma la n partìs minga parchè l’Emily la finìs a 'l uśdàł dòp èsar-'s fata mâł strabucànd par tèra, acsè a diś Brian. Dave al créd invéci ch'al l'àppia cuciàda śò p'r al scali anc parchè 'l è da spés imbariàg.
Durànt na casutarìa fra Dave e Brian par diféndar l’Emily, chi lò al ślìcia śò p'r al scali pardénd la vita. La dóna la diś ch'l è stada na daśgràsia e l'è sicûra ch'la pulisìa la gh cardrà parchè sò marè 'l éra 'n tisi dimóndi viulènt ma anc migliardàri, dònca tut i sò bèsi i gh finiràṅ in bisàca. In séguit però anc chi lē la vîṅ catàda mòrta e 'l suspetâ 'l è pròpria Dave ch'al finìs sóta interugatòri da l'agìnta Sam Pruitt (Ashley Scott). La Claudia in cal méntar la decìd 'd andàr a far dal dmandi a la sgnōra Darrow (Adrienne Barbeau) par savēr-an da piò su sò fiōla.
Culegamènt estéran
This article uses material from the Wikipedia Emiliàn e rumagnòl article Inganno fatale (film 2006), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.