Film 1994 Il Seme Della Follia
C'l artìcul chè 'l è scrit in Miranduléś
Miranduléś In the Mouth of Madness | ||
| Il seme della follia | ||
.png) Sam Neill in na figùra dal film | ||
| La sménta dla matéria 1994 | ||
|---|---|---|
| Regìa: John Carpenter | ||
| Scritōr: Michael De Luca | ||
| Atōr: Sam Neill • Julie Carmen • Bernie Casey Jürgen Prochnow • David Warner • John Glover Charlton Heston • Frances Bay • Peter Jason | ||
| Müsica: John Carpenter • Jim Lang | ||
| Léngua: Ingléś | ||
| Dürä dal film: 95 minüt | ||
| Nasiōṅ: Stat Unî | ||
Il seme della follia (La sménta dla matéria) 'l è 'n film ad scarésa dal 1994 ad John Carpenter ispirâ a i racònt e a i rumànś 'd Howard Phillips Lovecraft.
'L è custâ òt migliòṅ ad dòlar.
Sunt
Finî in un manicòmi e viśitâ da 'l dutōr Wrenn (David Warner), 'l agìnt di asicurasiòṅ John Trent (Sam Neill) al gh cònta cuś a gh'è sucès.
Méntar 'l éra drē a pranśàr insém a 'n sò culéga, tut 'd un trat a gh s è parâ davànti òṅ cun na manàra in maṅ par dmandàr-ag s'al lśiva par caś i rumànś ad scarésa 'd un sèrt Sutter Cane (Jürgen Prochnow). Prima ch'al psis far-ag dal mâł, al tisi misterióś 'l è masâ par 'n agìnt ad pulisìa e sōl dòp a s éra savû ch'l éra 'l agìnt ad Cane ch'l éra dvintâ mat dòp avēr lèt una dal sò òpri e avēr sterminâ tuta la sò famìja.
Esénd ch'al scritōr 'l éra sparî sénsa cunsgnàr 'l sò ùltim manuscrìt a 'l sò editōr, al sgnōr Jackson Harglow (Charlton Heston), chi lò al gh'iva dmandâ 'd catàr-al jutâ in cal còmpit lè par la sò asistènta, la Linda Styles (Julie Carmen). La dóna la gh'iva dit ch'i rumànś ad Cane i èṅ famóś par diśurientàr i letōr più sensibìi, far-ag pèrdar la memòria e dar paranòia.
I dū i partìsan p'r Hobb's End, un paiśèṅ spardû in dal New Hampshire in du i crédan ch'al s sia lugâ. Rivâ là i tàc'n a sucédar di fat strâṅ, i racònt scrit su 'l paśni di sò lìb'r i s mìsćian cun la realtà. Prima 'd andàr via John al gh'à la manéra 'd dascórar cun Cane ch'al gh admànda 'd cunsgnàr al rumànś ch'l à péna finî, intitulâ „In the Mouth of Madness“ (In dla bóca dla matéria), a 'l sò editōr.
Culegamènt estéran
This article uses material from the Wikipedia Emiliàn e rumagnòl article Il seme della follia (film 1994), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.