Il Merlo Maschio
C'l artìcul chè 'l è scrit in Miranduléś
Miranduléś Il merlo maschio | ||
 La Antonelli e Buzzanca in na figùra dal film | ||
| Al mérul masć 1971 | ||
|---|---|---|
| Regìa: Pasquale Festa Campanile | ||
| Scritōr: Luciano Bianciardi Pasquale Festa Campanile | ||
| Atōr: Lando Buzzanca • Laura Antonelli Lino Toffolo • Gianrico Tedeschi • Felicita Fanny Luciano Bianciardi • Pietro Tordi • Corrado Olmi | ||
| Müsica: Riz Ortolani | ||
| Léngua: Itagliàṅ • Vènet | ||
| Dürä dal film: 104 minüt | ||
| Nasiōṅ: Itàglia | ||
Il merlo maschio (Al mérul masć) l'è na cumèdia dramàtica e eròtica dal 1971 ad Pasquale Festa Campanile trat da 'l racònt Il complesso di Loth ad Luciano Bianciardi ad tri an prima.
Sunt
Niccolò Vivaldi (Lando Buzzanca) 'l è 'n sunadōr ad viulunsèl ch'al lavóra par n'urchèstra ch'la s śibìs a l'Aréna 'd Veróna. Al sò diretōr (Gianrico Tedeschi) al gh dà sèmp'r adòs anc par via di schèrs ch'a gh fà 'l sò culéga Cavalmoretti (Lino Toffolo). Niccolò al patìs dimóndi al fat che tut i faṅ fadìga a far-'g a mènt o arcurdàr-'s ad lò o 'l sò nóm. Dal vòlti anc sò mujēr Costanza (Laura Antonelli), raśdóra vèneta cun mâł a la schina crònig che lò 'l à cunquistâ sćiflànd i cant dal mérul masć in amōr in un cuncōrs a teàtar, la gh'à chi prubléma chè sèg. Al sò psicanalìsta (Ferruccio De Ceresa) al gh diś ch'l è frustrâ e ch'al pénsa 'd valēr manc dl'atra gint e ch'al patìs al fat ad sunàr un strumènt ch'al tîṅ adrē a chi àtar strumènt e al n è mai prutagunìsta.
Par curàr in na quàlc manéra i distùr'b ad sò mujēr, Niccolò al la pòrta a Säls par far-ag far di sfrēg cun la śmalta. Vdénd al dutōr ch'al la vìśita (Pietro Tordi) ch'al gh cala śò 'l regipèt, al sunadōr al pénsa ch'al mèdag al gh catìs gust a guardàr-'g al téti ma anc a lò a gh piàś che di furastēr i dàgan 'n òć a la sò dóna cavàda śò parchè 'l è cuntènt 'd ès'r invidiâ acsè tant da chi àt'r óm, lò che prima ninsòṅ al 'l à mai tgnû in cunsidèrasiòṅ in gnint.
Niccolò al dà la śdòrmia a sò mujēr, pò al gh fà dal fóto nudi da far véd'r a Cavalmoretti e da pasàr anc a na rivìsta pòran par publicàr-li. Par la vargóggna la Costanza la decìd ad tōr-as la vita ma a 'l ùltim sò marè al la salva. Niccolò al scriv su 'l sò diàri che par lò 'l màsim a sarév che sò mujēr la cantìs in dal côr dla prima dl'Aida, in du al gh'à da sunàr lò, e che méntar tut i spetadōr i la guàrdan lē la s faśìs cascàr śò la vésta armagnénd acsè nuda davànti a tut. Par cuntintàr-al, sénsa dir-ag gnint, la Costanza la decìd ad far-al dabòṅ.
Culegamènt estéran
This article uses material from the Wikipedia Emiliàn e rumagnòl article Il merlo maschio, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.