Film 1998 Il Fantasma Dell'opera
C'l artìcul chè 'l è scrit in Miranduléś
Miranduléś Il fantasma dell'Opera | ||
 La Nadia Rinaldi in na figùra dal film | ||
| Al fantàśma dl'Òpra 1998 | ||
|---|---|---|
| Regìa: Dario Argento | ||
| Scritōr: Gaston Leroux Dario Argento • Gérard Brach | ||
| Atōr: Asia Argento • Julian Sands • Nadia Rinaldi Andrea Di Stefano • Coralina Cataldi Tassoni István Bubik • Leonardo Treviglio • Lucia Guzzardi Aldo Massasso • John Pedeferri • Kitty Kéri Zoltan Barabas • Gianni Franco • Luis Molteni | ||
| Müsica: Ennio Morricone | ||
| Léngua: Itagliàṅ • Francéś • Napulitàṅ | ||
| Dürä dal film: 99 minüt | ||
| Nasiōṅ: Itàglia | ||
Il fantasma dell'Opera (Al fantàśma dl'Òpra) 'l è 'n film ad scarésa dal 1998 ad Dario Argento trat da 'l rumànś umònim ad Gaston Leroux.
Sunt
Un putèṅ al vèṅ bandunâ in na canaléta ad Parì da sò màdar. Al vèṅ tirâ sù da di sórag e da dal póndghi ch'i al crésan dand-ag la manéra ad dvintàr grand, bèl e 'n brâv muśicìsta, cgnusû cuma 'l Fantàśma dl'Òpra (Julian Sands). Chi lò al pèrd la tèsta par na śóvna cantànta 'd Òpra, la Christine Daaé (Asia Argento). Al Fantàśma, cun i sò cavìi biónd e al sò èsar ad bòni manéri, al fà cólp su 'd lē ch'la decìd ad far 'l amōr sèg.
Par far-ag ciapàr la part da primadóna e far-'g avér al sucès ch'la s mèrita, chi lò al s mét in tèsta ad far fóra la Carlotta Altieri (Nadia Rinaldi), una che quànd la s arlìa la śmadóna in Napulitàṅ. Na sirà al và da lē e al gh órdna 'd a n cantàr briśa cla sira lè. Par far in manéra ch'la capìsa bèṅ al cuncèt al gh śgranfgna 'l téti. Chi lē però la mónta sù listés in sal palc e lò par vindéta al fà crudàr śò al sufìt incô a di spetadōr e a di muśicìsta méntar lē la finìs sóta na statṿa.
Anc chi a s mét cònt'r i sò amìg sórag al fà na bruta fiṅ.
Culegamènt estéran
This article uses material from the Wikipedia Emiliàn e rumagnòl article Il fantasma dell'Opera (film 1998), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.