Hanna Schygulla
C'l artìcul chè 'l è scrit in Miranduléś
Miranduléś
L’Hanna Schygulla (Chorzów, 25 ad Dicémbar dal 1943) l'è n'atōra e cantànta tedésca, cgnusùda specialmènt p'r i film ch'l'à girâ cun Rainer Werner Fassbinder, vint-a-tri in tut.
Biugrafìa
La Schygulla la nas in dla Ślèśia Élta a Königshütte, un teritòri davśèṅ a Katowice ch'l éra sóta 'l cuntròl di naśìsta in alóra ma ch'adès al fà part dla Pulògna.
Durànt i sò studi ad filulugìa tedésca a Mònag 'd Bavéra la cgnós Rainer Werner Fassbinder e sèg la lavóra a 'l teàtar sperimentàł e la dà vita a 'l „Anfiteàtar“ cun àt'r òt sòci. In dal 1969 la fà 'l sò debùt a 'l cìnema cun dū film ad Fassbinder, L'amore è più freddo della morte e Il fabbricante di gattini méntar par Peter Fleischmann la gira Scene di caccia in bassa Baviera.
In di an Stanta, prima dal sucès 'd Il matrimonio di Maria Braun, la lavóra dimóndi da spés cun Fassbinder cuma in di film Dei della peste (1970), Perché il signor R. è colto da follia improvvisa? (1970), Attenzione alla puttana santa (1971), Il mercante delle quattro stagioni (1972), Le lacrime amare di Petra von Kant (1972), Selvaggina di passo (1973) e Effi Briest (1974). Sèmp'r in chi an lè l'è impgnàda cun Wim Wenders in Falso movimento.
In di an Utànta la và a star a Parì e l'è la prutagunìsta dal film Lili Marleen insém a Giancarlo Giannini. 'L an dòp la gira Il mondo nuovo p'r Ettore Scola e Passion par Jean-Luc Godard. In séguit l'è sarnìda da Marco Ferreri p'r al sò òpri Storia di Piera dal 1983, ch'la gh fruta 'n prèmi a Cannes, e Il futuro è donna dal 1984. In dal 1991 la gh'à na part piculìna in L'altro delitto ad Kenneth Branagh.
Culegamènt estéran
This article uses material from the Wikipedia Emiliàn e rumagnòl article Hanna Schygulla, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.