Grécia

C'l artìcul chè 'l è scrit in Miranduléś

La Grécia (a s diś Ελλάδα → Ellada o Ελλάς → Ellas in Grèc) l'è na nasiòṅ dl'Európa dal sud ch'la s cata in dla part ad sóta dla penìśula balcanìca, in frònt a i Mâr Egéo, Jòni e 'd Créta. La sò capitàł l'è Atēn cun Salunìc, Patràs, Pirèo e Càndia àtri sità impurtànti. La cunfìna a nòrd cun l'Albanìa, la Macedògna e la Bulgarìa e a nòrd-èst cun la Turchìa. La gh'à na superfìsi 'd 131.940 km² e la mùcia sù dagnóra ùndas migliòṅ 'd abitànt.

Al turìśum al và dimóndi fòrt chè par via dla sò stòria, dal sò clima, dal sò spiàgi e dal sò siē-mila e pasa ìśuli, 227 abitàdi cuma Mykonos, Santurèṅ, Rôd, Lèśbo, Créta, Curfù e Cefalògna.

La Grécia cuma stat indipendènt la gh'è da 'l 1 ad Śnar dal 1822 quànd la s è dastacàda da 'l Impēr Utumàṅ méntar da 'l 1 ad Śnar dal 1981 la fà part dl'Ugnòṅ Européa.

Al sò prim minìstar, da 'l 8 ad Lój dal 2019, 'l è Kyriakos Mitsotakīs dal partî Nea Dimokratia.

Culegamènt estéran

• (GR) Al sit ufisiàł dal ministēr dal turìśum

• Wiki Commons contiene file multimediali su Grécia