Giancarlo Magalli

Giancarlo Magalli (Róma, 5 ad Luj dal 1947) 'l è 'n aṿtōr televiśìṿ, atōr e cundutōr televiśìṿ itagliàṅ.

Al s è spuśâ dū vòlti e al gh'à dū fiōli abùdi da la prima mujér. 'L è Carabinēr Unuràri e Cumendadōr a 'l Mèrit dla Repùblica da 'l Avrìl dal 2007.

Biugrafìa

Dòp avér ciapâ 'l diplòma a 'l licèo clàsic, al taca a far 'l animadōr in un vilàǵ turìstic a la fiṅ di an Ssanta. In séguit al s davśìna a 'l mónd dal spetàcul laurànd c'n al regìsta Pier Francesco Pingitore e cun Pippo Franco scrivénd sèg soquànti cumèdi.

Magalli al taca pò a lauràr cuma aṿtōr televiśìṿ par soquànt prugràma dla Rai cuma Non stop (1977), Che Patatrac (1981) e Pronto Raffaella (1983) in dua al s invénta 'l śōg di faśōi.

Da 'l 1985 a 'l 1987 al tōś part a la traśmisiòṅ Pronto, chi gioca? e p'r un pôc al dà anc al cambi a la cundusiòṅ a l'Enrica Bonaccorti. In dal 1987 al dvènta cundutōr fis in Pronto, chi gioca? e pò anc in Pronto, è la Rai?. Cun Domani sposi al pasa a la basōra tarda, pò in dal 1989/1990 'l è in dal cast ad Fantastico 10.

In séguit al pasa a Papaveri e papere insém a Pippo Baudo (1995), a Mille lire al mese (1996), a 'l śōg Luna Park (1996-1997), a Fantastica italiana (1997-1998), a Fantastico (1997-1998) e a I cervelloni (1997-1998).

Par soquànt an 'l à cundót di prugràma impurtànt cuma I fatti vostri, Domenica in, Piazza Grande e Mezzogiorno in famiglia.

In dal Śnar dal 2015 al giurnàł Il Fatto Quotidiano al s invénta 'n referendum ciamâ „Quirinarie“ par far sarnìr a gl'utènt dla réda internet al nóm giùst dal presidènt dla repùblica che gl'itagliàṅ i vrévan dòp al dimisiòṅ ad Giorgio Napolitano. A gh'à la méj pròpria Magalli davànti a di persunàǵ cuma Stefano Rodotà, Ferdinando Imposimato, Gustavo Zagrebelsky e Romano Prodi .

Filmugrafìa

• 1977 - Nerone, regìa ad Mario Castellacci e ad Pier Francesco Pingitore
• 1978 - Scherzi da prete, regìa ad Pier Francesco Pingitore
• 1979 - Liquirizia, regìa ad Salvatore Samperi
• 1979 - L'imbranato, regìa ad Pier Francesco Pingitore
• 1980 - Ciao marziano, regìa ad Pier Francesco Pingitore
• 1981 - La gatta da pelare, regìa ad Pippo Franco
• 1982 - Sturmtruppen 2 (tutti al fronte), regìa ad Salvatore Samperi
• 1984 - Uccelli d'Italia, regìa ad Ciro Ippolito
• 1989 - Ho vinto la lotteria di capodanno, regìa ad Neri Parenti
• 2010 - Diciotto anni dopo, regìa 'd Edoardo Leo

Culegamènt estéran

• (IT) Al sò sit uficiàł

Nòti