Giallo
C'l artìcul chè 'l è scrit in Miranduléś
Miranduléś Giallo | ||
 Adrien Brody e la Seigner in na figùra dal film | ||
| Śal 2009 | ||
|---|---|---|
| Regìa: Dario Argento | ||
| Scritōr: Dario Argento • Jim Agnew • Sean Keller | ||
| Atōr: Adrien Brody • Emmanuelle Seigner Elsa Pataky • Silvia Spross • Daniela Fazzolari Valentina Izumi • Robert Miano • Luis Molteni Sato Oi • Lorenzo Pedrotti • Taiyo Yamanouchi Linda Messerklinger • Cristiana Maffucci | ||
| Müsica: Marco Werba | ||
| Léngua: Itagliàṅ • Ingléś • Giapunéś | ||
| Dürä dal film: 89 minüt | ||
| Nasiōṅ: Stat Unî • Régn Unî • Itàglia • Spaggna | ||
Giallo (Śal) 'l è 'n film ad scarésa dal 2009 ad Dario Argento girâ a Turèṅ.
Al film 'l è custâ quatórdas migliòṅ ad dòlar ma in Itàglia al 'n à catâ sù sōl darsèt-mila. Al prutagunìsta Adrien Brody, ch'al fava anc la part ad Flavio Volpe al "Śal" cun al nóm anagramâ ad Byron Deidra, 'l à fat càuśa a i prudutōr in dal Nuvémbar dal 2010 parchè al n éra briśa stâ pagâ.
Al film 'l è vgnû fóra al 3 ad Nuvémbar dal 2010 diretamènt p'r al marcâ d'l home video, par qvéi dla Dall'Angelo Pictures. Sōl in séguit la Lumière Group Multimediale l'à distribuî la pelìcula in dal sali di cìnema da 'l 1 ad Luj dal 2011 cun al tìtul ad Giallo/Argento.
Sunt
Faghénd finta 'd èsar un tasìsta ad mistēr, 'n óm al rapìs a Turèṅ dū ragasōli, la Keiko (Valentina Izumi) e la śóvna mudèla Celine Jefferson (Elsa Pataky). Chi lē, prima 'd èsar purtàda via, l'éra drē a dascórar a 'l telefunèṅ cun sò surèla Linda (Emmanuelle Seigner). In pinsér par la telefunàda finìda mâl tut 'd un trat e p'r al fat che la Celine la n éra minga turnàda a cà, la Linda la và da la pulisìa a dascórar cun 'l ispetōr Enzo Avolfi (Adrien Brody), òṅ ch'l à decìś ad far cal lavōr lè dòp avér scurtlâ a mòrt al maslàr ch'l iva cupâ sò màdar sóta i sò òć.
Enzo 'l è sicûr 'd èsar insaplâ cun un serial killer ch'l è drē a pascàr da dimóndi tèmp, un manìac cgnusû cuma "al Śal" ch'al turtùra e pò al cópa al sò vitmi, sèmpar dal dóni bèli e furastéri, méntar lò invéci 'l è dasfurmâ.
Quànd la Keiko la vèṅ catàda in un sac ad plàstica, prima 'd murìr la gh la cava a bacajàr na préga e pò a dir par soquànti vòti “'L è śal”. A la Linda a gh vèṅ in mènt ch'al śal a prév èsar al culōr dla pèla 'd un malâ ad fégat.
Culegamènt estéran
This article uses material from the Wikipedia Emiliàn e rumagnòl article Giallo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.