George Clooney

George Timothy Clooney, cgnusû méj cuma George Clooney (Lexington, 6 ad Maǵ dal 1961) 'l è 'n atōr, regìsta, senegiadōr e prudutōr americàṅ ch'l à vins tri Golden Globe e 'n Prèmi Òscar.

Biugrafìa

Da śóvan al taca a lauràr vindénd di vistî da óm, dal scarpi da dóna, dal tabàc e dal pòlisi 'd asicurasiòṅ andànd a cà dla gint. In dal 1978 al fà la cumpàrsa in televiśiòṅ faghénd na part in dla miniserie Colorado par la NBC. In séguit al gh la cava a ciapàr na part impurtànta in dla sitcom P/S - Pronto soccorso in du 'l lavóra insém a Elliott Gould.

Al taca anc a far 'l atōr in soquànt film ad scarésa cuma La scuola degli orrori (La scóla dal scarési) e Il ritorno dei pomodori assassini (Al ritóran di pamdòr sasèṅ).

Al sucès internasiunàl al riva però faghénd la part dal dutōr Douglas Ross dit Doug in dla sèrie E.R. - Medici in prima linea, da 'l 1994 a 'l 1999.

In dal 1996 al ròbi i s métan bèṅ anc a 'l cìnema quànd al rècita, insém a Quentin Tarantino, Harvey Keitel e la Juliette Lewis, in dal film Dal tramonto all'alba (Da 'l tramònt a l'alba) ad Robert Rodríguez. A cal punt lè, 'l us 'd Hollywood al s vèra dal tut e George al mét insém un sucès da drē a c'l àtar cuma Un giorno per caso (Un dè par caś) con la Michelle Pfeiffer e The Peacemaker (Al mediadōr ad paś) cun la Nicole Kidman.

In dal 1997 al fà la part ad Batman in dal film Batman & Robin ad Joel Schumacher e 'l an dòp 'l è Jack Foley in dal film Out of Sight ricitâ insém a la Jennifer Lopez. A s trata dal prim di sò tant lavōr cun al regìsta Steven Soderbergh.

In dal 2000 al lavóra cun i fradèi Coen in dla cumèdia Fratello, dove sei? (Fradèl, in du sē't?) e in dal 2001 incóra cun Soderbergh cun Ocean's Eleven, un film pîṅ ad stéli (Brad Pitt, Elliott Gould, Matt Damon, Andy García, la Julia Roberts e l'Angie Dickinson) ch'l à fat sù un muć ad bèsi e dū sèguit (Ocean's Twelve dal 2004 e Ocean's Thirteen dal 2007).

In dal 2002 al gira al sò prim film, Confessioni di una mente pericolosa (Cunfesiòṅ dna mènt periculóśa) e pò Good Night, and Good Luck. (Bòna nòt e bòna furtùna), preśénta a Venèsia in dal 2005, ch'al trata al téma dal macartìśum. Sèmp'r in c'l an lè al lavóra in Syriana, didicâ a Robert Baer, ex agènt dla CIA. Par cla part chè, Clooney al ciàpa 'l Prèmi Òscar.

In dal 2009 al rècita in dal cumèdia L'uomo che fissa le capre (’L óm ch'al tîṅ 'd òć al cavri).

Clooney 'l è famóś anc par 'l apòǵ ch'al dà a 'l càuśi umanitàri e a 'l Partî Demucràtic di Stat Unî e a Barack Obama in particulàr. 'L à visû par 18 an cun un ninèṅ ad 130 chilo in cà ciamâ Max.

George, ch'al gh la cava a dascórar anc in Itagliàṅ, al gh'à dal vili in sal lâg ad Còm. 'L è stâ spuśâ par quàt'r an cun la fiōla ad Martin Balsam, Talia. Da 'l Luj dal 2009 a 'l Śugn dal 2011 'l è stâ insém a l'Elisabetta Canalis. Dòp na stòria cun la lutadōra Stacy Keibler, al 29 ad Setémbar dal 2014 al s è spuśâ cun l'avucàta libanéśa naturaliśàda britànica Amal Alamuddin.

Filmugrafìa

da Atōr

• 1987 - Grizzly II: The Predator, regìa ad David Sheldon
• 1987 - La scuola degli orrori (Return to Horror High), regìa ad Bill Froehlich
• 1988 - Il ritorno dei pomodori assassini (Return of the Killer Tomatoes!), regìa ad John De Bello
• 1990 - Giovani iene (Red Surf), regìa ad H. Gordon Boos
• 1992 - Bolle magiche (Unbecoming Age), regìa 'd Alfredo Ringel e dla Deborah Ringel
• 1993 - The Harvest, regìa ad David Marconi
• 1996 - Dal tramonto all'alba (From Dusk Till Dawn), regìa ad Robert Rodríguez
• 1996 - Un giorno, per caso (One Fine Day), regìa ad Michael Hoffman
• 1997 - Batman & Robin, regìa ad Joel Schumacher
• 1997 - The Peacemaker, regìa dla Mimi Leder
• 1998 - Out of Sight (Out of Sight), regìa ad Steven Soderbergh
• 1998 - La sottile linea rossa (The Thin Red Line), regìa ad Terrence Malick
• 1999 - Three Kings, regìa ad David O. Russell
• 1999 - The Book That Wrote Itself, regìa ad Liam O Mochain - Cameo
• 2000 - Fratello, dove sei? (O Brother, Where Art Thou?), regìa ad Joel ed Ethan Coen
• 2000 - La tempesta perfetta (The Perfect Storm), regìa ad Wolfgang Petersen
• 2001 - Spy Kids, regìa ad Robert Rodriguez
• 2001 - Ocean's Eleven - Fate il vostro gioco (Ocean's Eleven), regìa ad Steven Soderbergh
• 2002 - Welcome to Collinwood, regìa 'd Anthony e 'd Joe Russo
• 2002 - Solaris, regìa ad Steven Soderbergh
• 2002 - Confessioni di una mente pericolosa (Confessions of a Dangerous Mind), regìa ad George Clooney
• 2003 - Missione 3-D: Game Over (Spy Kids 3-D: Game Over), regìa ad Robert Rodriguez
• 2003 - Prima ti sposo, poi ti rovino (Intolerable Cruelty), regìa ad Joel ed Ethan Coen
• 2004 - Ocean's Twelve, regìa ad Steven Soderbergh
• 2005 - Good Night, and Good Luck., regìa ad George Clooney
• 2005 - Syriana, regìa ad Stephen Gaghan
• 2006 - Intrigo a Berlino (The Good German), regìa ad Steven Soderbergh
• 2007 - Ocean's Thirteen, regìa ad Steven Soderbergh
• 2007 - Darfur Now, regìa ad Ted Braun - Ducumentàri
• 2007 - Michael Clayton, regìa ad Tony Gilroy
• 2007 - In amore niente regole (Leatherheads), regìa ad George Clooney
• 2008 - Burn After Reading - A prova di spia (Burn After Reading), regìa ad Joel ed Ethan Coen
• 2009 - L'uomo che fissa le capre (The Men Who Stare at Goats), regìa ad Grant Heslov
• 2000 - Tra le nuvole (Up in the Air), regìa ad Jason Reitman
• 2010 - The American, regìa 'd Anton Corbijn
• 2011 - Le idi di marzo (The Ides of March), regìa ad George Clooney
• 2011 - Paradiso amaro (The Descendants), regìa 'd Alexander Payne
• 2013 - Gravity, regìa 'd Alfonso Cuarón
• 2014 - Monuments Men (The Monuments Men), regìa ad George Clooney
• 2015 - Tomorrowland - Il mondo di domani (Tomorrowland), regìa ad Brad Bird
• 2016 - Ave, Cesare! (Hail, Caesar!), regìa ad Joel ed Ethan Coen
• 2016 - Money Monster - L'altra faccia del denaro (Money Monster), regìa dla Jodie Foster

da Regìsta

• 2002 - Confessioni di una mente pericolosa (Confessions of a Dangerous Mind)
• 2005 - Good Night, and Good Luck.
• 2007 - In amore niente regole (Leatherheads)
• 2011 - Le idi di marzo (The Ides of March)
• 2014 - Monuments Men (The Monuments Men)

Culegamènt estéran

• (EN) Filmugrafìa in s'l IMDb

Nòti