Furia Incontrollata
C'l artìcul chè 'l è scrit in Miranduléś
Miranduléś Hell High | ||
| Furia incontrollata | ||
 La Millie Prezioso in na figùra dal film | ||
| Arlìa fóra cuntròl 1989 | ||
|---|---|---|
| Regìa: Douglas Grossman | ||
| Scritōr: Douglas Grossman • Leo Evans | ||
| Atōr: Christopher Stryker • Christopher Cousins Maureen Mooney • Millie Prezioso • Jason Brill Kathryn Rossetter • J.R. Horne • Daniel Beer | ||
| Müsica: Chris Hyams-Hart • Rich Macar | ||
| Léngua: Ingléś | ||
| Dürä dal film: 84 minüt | ||
| Nasiōṅ: Stat Unî | ||
Furia incontrollata (Arlìa fóra cuntròl), cgnusû anc c'n al tìtul ad Raging Fury, 'l è 'n film ad scarésa americàṅ dal 1989 scrit, prudót e dirèt par Douglas Grossman.
La pelìcula, giràda tri an prima, la gh'à cuma prutagunìsta Christopher Stryker mòrt 'd AIDS in dal 1987 a vint-sèt an.
Sunt
La Brooke Storm (Amy Beth Erenrich) l'è na putìna ch'a gh piàś śugàr c'n al bàmbuli in un ciûś ad légn darènt a 'n padól. Un dè na còpia 'd muróś i al dróan par gusàr in santa paś ma, quànd la sò ragàsa la s tira indrē, al śōvan al cava via la tèsta a òṅ sò putòć par l'arlìa. In dal méntar ch'i èṅ drē a 'ndàr via in mòta la Brooke la gh tira adòs un séć ad śmalta par far-'g-la pagàr ma, faghénd acsè, l'impedìs a 'l óm ad véd'r in du 'l và cauśànd 'n incidènt ch'al cósta la vita a i dū. La putìna, p'r al tràuma patî, la scapa via.
Dvintànda granda, la Brooke (Maureen Mooney) la fà la prufesōra 'd biulugìa ma la vita a scōla l'è difìcila par lē parchè 'l prufesōr 'd ginàstica Heaton (J.R. Horne) al gh'è sèmp'r adòs e i sò studènt i n èṅ mia tant gustóś. Na nòt quàt'r ad lōr, Dickens (Christopher Stryker), Jon-Jon (Christopher Cousins), la Queenie (Millie Prezioso) e Smiler (Jason Brill) i decìd'n ad far-'g un brut aschèrs andànd a cà sua a far di stus vistî da móstar. La dóna, minga tant in bóla, la s buta par la fnèstra quànd Dickens al próa a viulentàr-la.
I studènt, cardénd-la mòrta, i strùlgan un piàṅ par dar la cólpa dal masamènt a 'l quarterback dla squàdra dla scōla (Daniel Beer). Ma la Brooke la n è minga mòrta dabòṅ, la vōl sōl vindicàr-as.
Culegamènt estéran
This article uses material from the Wikipedia Emiliàn e rumagnòl article Furia incontrollata, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.