Filippo Timi

Filippo Timi (Perùśa, 27 ad Favràr dal 1974) 'l è 'n atōr, regìsta e scritōr ùmbar.

In dla sò caréra 'l à laurâ par Ferzan Özpetek, Gabriele Salvatores, Marco Bellocchio, Michele Placido, la Cristina Comencini e Giuseppe Piccioni.

Biugrafìa

Dòp avēr tòlt part a soquànt curtumetràǵ e avēr laurâ a teàtar, da spés sóta Giorgio Barberio Corsetti, Filippo al fà 'l sò debùt a 'l cìnema in dal 1999 in un film dl'Anna Negri da 'l tìtul In principio erano le mutande. In séguit al gira soquànti pelìculi p'r al regìsta piemuntéś Tonino De Bernardi cuma Rosatigre in du 'l fà la part dal travestî Antonello Rosatigre.

In dal 2007 al tōś part insém a l'Ambra Angiolini, a Pierfrancesco Favino, a Luca Argentero e a la Margherita Buy a 'l film dramàtic Saturno contro dal turc Ferzan Özpetek. 'L an dòp 'l è prutagunìsta ad Come Dio comanda ad Gabriele Salvatores trat da 'l rumànś umònim ad Niccolò Ammaniti.

In dal 2009 al fà la part ad Benito Mussolini e 'd sò fiōl Benito Albino Dalser in Vincere dal piasintèṅ Marco Bellocchio, ùnic film itagliàṅ in cuncōrs a 'l 62śum Fèstival ad Cannes, pò al ciàpa na part piculìna in The American cun George Clooney e la Violante Placido. In dal 2010 al fà la part dal pajàs in La solitudine dei numeri primi ad Saverio Costanzo, pelìcula in du 'l culàbura anc a la senegiadùra.

In dal 2011 al tōś part 'l film internasiunàł Asterix & Obelix al servizio di Sua Maestà pò 'l an dòp al gira Un castello in Italia par la Valeria Bruni Tedeschi e Come il vento ad Marco Simon Puccioni in du 'l fà 'l marè dla Valeria Golino.

Filmugrafìa

• 1999 - In principio erano le mutande, regìa dl'Anna Negri
• 1999 - Appassionate, regìa ad Tonino De Bernardi
• 2000 - Rosatigre, regìa ad Tonino De Bernardi
• 2000 - Ofelia lontana, regìa ad Tonino De Bernardi
• 2001 - Fare la vita, regìa ad Tonino De Bernardi
• 2001 - 500!, regìa ad Giovanni Robbiano, Lorenzo Vignolo e Matteo Zingirian
• 2002 - Aprimi il cuore, regìa dla Giada Colagrande
• 2002 - L’altra donna, regìa dl'Anna Negri
• 2002 - La strada nel bosco, regìa ad Tonino De Bernardi
• 2004 - Marlene de Sousa, regìa ad Tonino De Bernardi
• 2005 - Onde, regìa ad Francesco Fei
• 2006 - Transe, regìa dla Teresa Villaverde
• 2006 - L'eredità di Caino, regìa ad Luca Acito e 'd Sebastiano Montresor
• 2007 - In memoria di me, regìa ad Saverio Costanzo
• 2007 - Saturno contro, regìa ad Ferzan Özpetek
• 2007 - Signorina Effe, regìa dla Wilma Labate
• 2008 - I demoni di San Pietroburgo, regìa ad Giuliano Montaldo
• 2008 - Come Dio comanda, regìa ad Gabriele Salvatores
• 2009 - Vincere, regìa ad Marco Bellocchio
• 2009 - La doppia ora, regìa ad Giuseppe Capotondi
• 2010 - The American, regìa 'd Anton Corbijn
• 2010 - La solitudine dei numeri primi, regìa ad Saverio Costanzo
• 2010 - Vallanzasca - Gli angeli del male, regìa ad Michele Placido
• 2011 - Quando la notte, regìa dla Cristina Comencini
• 2011 - Ruggine, regìa ad Daniele Gaglianone
• 2011 - Missione di pace, regìa ad Francesco Lagi
• 2011 - Piazza Garibaldi, regìa ad Davide Ferrario - ducumentàri
• 2011 - Italian Movies, regìa ad Matteo Pellegrini
• 2012 - Com'è bello far l'amore, regìa ad Fausto Brizzi
• 2013 - Un castello in Italia, regìa dla Valeria Bruni Tedeschi
• 2013 - Asterix e Obelix al servizio di sua maestà, regìa ad Laurent Tirard
• 2013 - Come il vento, regìa ad Marco Simon Puccioni
• 2014 - I corpi estranei, regìa ad Mirko Locatelli
• 2015 - Sangue del mio sangue, regìa ad Marco Bellocchio
• 2016 - Questi giorni, regìa ad Giuseppe Piccioni

Culegamènt estéran

• (IT) Al sò sit ufisiàł
• (EN) Filmugrafìa in s'l IMDb