C'l artìcul chè 'l è scrit in Miranduléś
Al Fèstival 'd Berlîṅ 'l è 'n fèstival dal cìnema ch'a gh'è tut i an in dal méś ad Favràr a 'l Potsdamer Platz dla sità 'd Berlîṅ in Germàgna. Al dûra ùndas dè in tut e 'l è òṅ di più impurtànt a 'l mónd, cgnusû anc cuma Berlinale, nóm invintâ da l'atōra tedésca Tatjana Sais.
La prima edisiòṅ dla manifestasiòṅ la gh'è stada in dal 1951, c'n al film Rebecca, la prima moglie 'd Alfred Hitchcock a vèrar-'l, ma 'l è da 'l 1956 ch'la FIAPF la 'l à arcgnusû cuma fèstival cumpetitìṿ. In dal cōrs dal tèmp 'l è sèmpar carsû 'd impurtànsa, cavànd-'g-la a mét'r insém sincsènt-mila spetadōr 'l an, cun vint-mila e pasa adét da sènt-vint paéś e quàtar-mila giurnalìsta.
Al prèmi più impurtànt dal fèstival 'l è 'l “Ōrs 'd Òr” dâ a 'l film più bèl. Da 'l 1982 a gh'è anc al prèmi a la caréra. Par la regìa, gl'atōr e la senegiadùra a gh'è invéci 'l “Ōrs 'd Argìnt”.
This article uses material from the Wikipedia Emiliàn e rumagnòl article Fèstival 'd Berlîṅ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.