| C'l artìcul chè 'l è scrit in Arzân |  |
L'Emélia-Rumâgna l' é ‘na regiòun italiâna cun pió ed 4 miliòun d’ abitânt. La só capitêl l'é Bològna. La cunfîna a matèina cun al Mêr Adriâtich, a l’ albasèin cun al Vènet e cun la Lumbardìa, a sîra cun al Piemûnt e la Ligória, a mezdé cun la Tuscâna, al Mêrchi e San Marèin. La regiòun l'é stèda mésa insèm da l'uniòun ed dō vèci regiòun, l'Emélia (al pruvînci ed Piasèinsa, pruvîncia ed Pèrma, Rèz, Mòdna, pruvîncia ed Frêra e la pruvîncia ed Bològna sèinsa Imola) a dréta dal turèint Séler. L'êtra pêrt (al pruvînci ed Furlè-Ceséna, pruvîncia ed Ravèna e pruvîncia ed Rémin a fân pêrt, invêci, ed la Rumâgna. La vècia Rumâgna la gh'iva ânca di teritôri ind la Tuscâna e ind al Mêrchi.
L'Emégglia-Rumâgna l é 'na regiån itaglièna cun 4 miglión d'abitànt. La só capitèla l é Bulåggna. La cunféṅna a matéṅna col Mèr Adriâtic, pió só col Vênet e la Lunbardî, a sîra col Piemånt e la Ligûria, pió zå cun la Tuschèna, äl Mèrch e San Marén. La regiån l é stè massa insàmm da l'ugnån ed dåu vèci región, l'Emégglia (pruvénzi ed Piesänza, Pèrma, Rażż, Môdna, Frèra e la pruvénzia ed Bulåggna a sîra del turänt Séller (praticamänt sänza al distratt ed Iómmla). L'ètra pèrt (al distratt ed Iómmla, al pruvénzi ed Furlé-Ziṡêna, Ravänna e Rémmin fan pèrt invêzi dla Rumâgna. La vècia Rumâgna la tôl insàmm anca pèrt dla Tuschèna e däl Mèrch.
| C'l artìcul chè 'l è scrit in Mudnés | |
L'Emélia-Rumàgna l'è na regiòun italiàna cun pió ed 4 miliòun ed cristiân. La sô capitêl l'è Bulágna. La cunfèina a Est cun al Mêr Adriàtich, pió só col Vènet e cun la Lumbardìa, a Ovest cun al Piemòunt e la Legória, pió żò cun la Tuschèna, al Mèrchi e San Marèin. La regiòun l'è stèda mésa insèm da l'uniòun ed dô vèci regiòuni, l'Emélia (él pruvèinzi ed Piasèinsa, Pèrma, Rèz, Mòdna, Frèra e la pruvèinza ed Bulágna sèinza Imola) a dêstra del turèint Silèr. L'ètra pèrt (él pruèinzi ed Furlè-Ceséna, Ravèna e Rémmin i fan pèrt, invéz, d'la Rumàgna. La vècia Rumàgna la gh'iva anca di teritòri in d'la Tuschèna e in d'al Mèrchi.
L'Emilia-Rumagna l'é 'na region italiana cun 4 milion d'abitant. La so capitäla l'é Bulògna. La cunfëina a est cun al Mär Adriatic, a nord cul Venet e cun la Lumbardia, a ovest cun al Piemont e la Ligüria, a süd cun la Tuscana, il Marchi e San Marëin. La region a l'é l'ünion ad dü regiòn storich tach: l'Emilia (il pruvinci ad Piasëinsa, Pärma, Rëz, Modna, Ferära e la pruvincia ad Bulogna sëinsa Imula) a destra dal turëint Sillaro. L'ätra pärt (il pruvinci ad Forlì-Cesena, Ravenna e Rimini i fan pärt d'la Rumagna. La vecia Rumagna la g'äva anca di teritòri in d'la Tuscana e in dil Marchi.
| C'l artìcul chè 'l è scrit in Pramsân | |
L'Emilja-Römagnä l'è na región italjana con 4 miliòn d'abitànt. La so capitäla l'è Bológna. La confén'na a l'est col Mär Adriâtic, pù d'sōra col Vènet e la Lombardîä, a l'ovest col Piemónt e la Ligûriä, ed sóta con la Toscäna, î Mèrchî e San Marén. La regiòn l'è stè mäsa insèmen da l'unión ed du vèci regiòn, l'Emilja (coi provénzi ed Piasänsa, Pärma, Rès, Módna, Frèra e la provénsa ed Bològna a ovest del torént Silér (praticamént sensa al distrétt ed Imöla). L'ètra pèrtä (al distrétt ed Imöla, î provénsi ed Förlì-Sesén'na, Ravēna e Rîmin fan pèrta invéci d'la Româgna. La vècia Româgna la tòl insémma anca pèrta d'la Toscanä e dî Mèrchî.
L'Emélia-Rumâgna l'è na regioun italièna cun 4 milioun d'abitìnt. La so capitèla l'è Bulògna. La cunféna a est s'e Mèr Adriatic, a nord s'al Vènet e la Lunbardî, a ovest s'al Piemont e la Ligûria, a sud s'la Tuschèna, al Mèrchi e la ripòblica ad San Marein. La regioun l'è furmèda da l'union ad dò teritori dversì tra lor, l'Emèlia (pruvénzi ad Piasènza, Pèrma, Rèz t'l'Emèlia, Modna, Fràra e la pruvénza ad Bulògna fin sòra e fiòm Siller (pasèd e quèl e tàca e distrèt ad Iomla). Cl'èlta pèrta (Iomla), al pruvénzi ad Furlè-Zisèna, Ravêna e Rèmin fan pèrt invici d'la Rumâgna. La Rumâgna storica l'ardusa enca pèrt d'la Tuschèna (cumòni ad Marredi, Palazol e Firenzuòla) e dal Mèrchi (e Montefèltre e al cumòni ad Al Gabezi e Gradèra).
| C'l artìcul chè 'l è scrit in Fraréś | |
L'Emiglia-Rumagna l’è na regioŋ itagliana con 4 miliun d’abitant. La só capital l’è Bulógna. La cunfína a lvant col Mar Adriàtich, in meźanòt col Vènet e la Lumbardié, a sira col Piemónt e la Liguria, in meźdí con la Tuscana, ill Marchi e la repùblica ad San Marin. La regioŋ l’è furmàda da l’unioŋ ad dó teritorî difarint, l’Emiglia (pruvinc ad Piaśenza, Parma, Rèź, Mòdna, Frara e Bulógna fiŋ fium Sélar doncana senza Ìmula) e la Rumagna (pruvinc d Ìmula, Furlí-Ziśéna, Ravéna e Rimin. La Rumagna antiga la tuléva insiém anca part ad la Tuscana e dill Marchi.
Arzân
Bulgnaiṡ
Mudnés
Piasintëin
Pramsân
Rumagnòl
Fraréś
