Film 1988 Domino
C'l artìcul chè 'l è scrit in Miranduléś
Miranduléś Domino | ||
 La Brigitte Nielsen in na figùra dal film | ||
| id. 1988 | ||
|---|---|---|
| Regìa: Ivana Massetti | ||
| Scritōr: Gérard Brach • Ivana Massetti | ||
| Atōr: Brigitte Nielsen • Tomas Arana • Cyrus Elias Kim Rossi Stuart • Stéphane Ferrara • Pascal Druant | ||
| Müsica: Alessandro Murzi • Massimo Terracini | ||
| Léngua: Ingléś | ||
| Dürä dal film: 97 minüt | ||
| Nasiōṅ: Itàglia | ||
Domino (id.) 'l è 'n drama eròtic dal 1988 dl'Ivana Massetti ch'la 'l à anc scrit insém a Gérard Brach.
Sunt
La Domino (Brigitte Nielsen) l'è na regìsta che da spés la càmbia patnadùra e ch'la gira di vìddeo muśicài laurànd cun 'n inśgnēr dal sòṅ ciamâ Paul Du Lac (Stéphane Ferrara). La sò artìsta preferìda l'è la Billie Holliday (Joy Garrison) e lē la scólta sèmp'r i sò CD. La viṿ da par lē in 'n apartamènt dimóndi grand cun di aredamènt mudèran ma dagnóra vōd a part ch'la gh'à na bèstia in cà, na galàna, e 'n manichèṅ 'd 'n óm négar ch'al gh'à rigalâ p'r al sò cumpleàn Gavros (Tomas Arana), un sò amìg ad lèt partî par Sydney par lavōr par na stmana.
Na sira la dóna la taca a ricévar dal telefunàdi da 'n tisi misterióś ch'al gh diś ch'al gh vōl far cumpagnìa quànd la s sènt da par lē. A la Domino a gh pâr ch'a ciamàr-la a sia 'n óm ch'al stà a 'l tèrs piàṅ in dal palàs darènt a 'l suo, e ch'al la tîṅ 'd òć c'n un canuciàl, dònca la và a dmandàr infurmasiòṅ a 'l òrub dal piàṅ ad sōvar (David Warbeck) che però al gh cònta ch'adès 'l apartamènt ch'la diś lē 'l è vōd parchè i sò pruprietàri i èṅ mòrt da pôc.
Na nòt, girànd in màchina, la cata par strada na sò vècia amìga da i tèmp dla scóla dvintàda na putàni in cal méntar, la Gabriele (Geretta Geretta), e la la fà muntàr sù par far dū ciàcri. Chi lē la gh cònta ch'i óm i pésc'n al scaj par far sèg di quèi ch'i n dmàndan minga a 'l mujér e a 'l muróśi parchè pò i gh'aṅ paùra che lè lōr i gh pòsan càtar gust cumpàgn a 'l putàni. La Domino la và a véd'r un sò spetaculèṅ in du la fà la malnéta par di óm pò la malnéta la la fà lē a 'l telèfun cun Paul che, sibèṅ al sia spuśâ cun sò mujér ch'la gh'à 'd avér fiōl, al gh diś ch'a gh piaśrév ès'r-ag dèntar. E 'l è qvél ch'a sucéd dabòṅ anc se pò 'l tisi misterióś dal telèfun al la ciàma par tiràr-ag gl'uréci par qvél ch'l à fat. La Domino la s mét a piànśar dgénd: «A vój cgnós'r-at! Stasìra, stasìra a siē óri, a t aspèt in giardèṅ» ma 'l óm al n s fà minga védar da cla banda.
Culegamènt estéran
This article uses material from the Wikipedia Emiliàn e rumagnòl article Domino (film 1988), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.