David Boreanaz

David Paul Patrick Boreanaz (a s lèś [bɔːriˈænəz] in ingléś o [boɾeˈaːnad͡z] a l'itagliàna), cgnusû méj cuma David Boreanaz (Buffalo, 16 ad Maǵ dal 1969), 'l è 'n atōr e prudutōr americàṅ dvintâ famóś faghénd i persunàǵ 'd Angel in Buffy l'ammazzavampiri e in Angel e 'd Seeley Booth in Bones, dū séri televiśìvi 'd sucès. In dal 2003 'l à tòlt part a 'l vìddeo 'd White Flag dla cantànta Dido.

Al gh'à di urìgini itagliàni par part ad pàdar (al sò cugnóm 'l è friulàṅ) e céchi, irlandéśi, francéśi, tedéschi e śvedéśi par part ad màdar. 'L è spuśâ cun n'èx cunìna 'd Playboy, la Jaime Bergman, dòp èsar stâ ligâ cun l’Ingrid Quinn in fiṅ a 'l 1999.

Biugrafìa

Uriginàri da stat ad New York, David al crés in Pennsylvania esénd andâ a star a Filadèlfia quànd al gh'iva nóṿ an. Dòp ès'r-as diplumâ in dal 1991 al spatìna a Los Angeles par far 'l atōr.

A la fiṅ di an Nuànta 'l è prutagunìsta in televiśiòṅ di telefìlm Buffy l'ammazzavampiri e 'd Angel, séri ch'al pòrta avànti in fiṅ a 'l 2004. In chi an lè al gira anc soquànt film a 'l cìnema cuma Valentine - Appuntamento con la morte.

In dal 2005 al gira Il corvo - Preghiera maledetta, quàrt capìtul dla saga 'd Il corvo, e Tutte per uno in du 'l gh'à da far frònt a na sfilaràda 'd ragasōli in calōr. Al tórna a i telefìlm cun Bones faghénd al persunàǵ ad Seeley Booth.

Filmugrafìa

• 1993 - Aspen - Sci estremo (Aspen Extreme), regìa ad Patrick Hasburgh
• 1993 - Kickboxing mortale (Best of the Best 2), regìa ad Robert Radler
• 1996 - Macabre Pair of Shorts, regìa ad Scott Mabbutt
• 2001 - Valentine - Appuntamento con la morte (Valentine), regìa ad Jamie Blanks
• 2005 - The Hard Easy, regìa 'd Ari Ryan
• 2005 - Il corvo - Preghiera maledetta (The Crow: Wicked Prayer), regìa ad Lance Mungia
• 2005 - Tutte per uno (These Girls), regìa ad John Hazlett
• 2006 - Mr. Fix It, regìa ad Darin Ferriola
• 2007 - Suffering Man's Charity (a.k.a. Ghost Writer), regìa 'd Alan Cumming
• 2010 - The Mighty Macs, regìa ad Tim Chambers
• 2013 - Officer Down, regìa ad Brian A Miller

Culegamènt estéran

• (EN) Filmugrafìa in s'l IMDb

• Wikiquote contiene citazioni di o su David Boreanaz
• Wiki Commons contiene file multimediali su David Boreanaz