Danimàrca
Artéccol in dialètt mudnés
Miranduléś| C'l artìcul chè 'l è scrit in Miranduléś |  |
.svg)
La Danimàrca (a s diś Danmark in Danéś, a s lèś [ˈd̥ænmɑɡ̊]) l'è na nasiòṅ dl'Europa dal nòrd ch'la s cata in dla penìśula dal Jutland, ch'la spartìs a sud cun la Germàgna (regiòṅ dal Schleswig-Holstein), e in un nùmar dimóndi élt (da piò ad quatàr-sènt) 'd ìśuli, al più impurtànti i èṅ Sjælland, Fyn, Falster, Lolland, Vendsyssel-Thy e Bornholm. Cuntànd tut al Régn ad Danimàrca a gh'è da śuntàr anc gl'Ìśuli Fær Øer e la Gruenlàndia. La gh'à sinc migliòṅ e sèt 'd abitànt e na superfìsi ad 43.098 km².
Storicamènt l'è cunsideràda 'n paéś scandinàṿ cuma la Śvèsia, la Nurvégia e la Finlàndia ma la n fà mia part dla Penìśula Scandinàva anc s'adès i aṅ fat un pònt ch'l unìs Cupenàghen, la sò capitàla, a Malmö. Atri sità impurtànti i èṅ Århus, Aalborg, Esbjerg e Udénse. Al sò mòt 'l è „Guds hjælp, Folkets kærlighed, Danmarks styrke“ ch'a vōl dir „'L ajùt ad Dio, 'l amōr dal pòpul, la fòrsa dla Danimàrca“.
La sò léngua l'è 'l Danéś ma 'l Ingléś i al sànan praticamènt tut. La fà part dl'Ugnòṅ Européa da 'l 1 ad Śnar dal 1973 (ma la Gruenlàndia l'è fóra).
L'è divìśa in sinc regiòṅ: Hovedstaden, Sjælland, Syddanmark, Midtjylland e Nordjylland. La sò munéda l'è la Curóna danéśa (krone), ligàda in tut al manéri a 'l Euro par via di acòrd européi ad cambi.
Al sò óm ad létri più famóś 'l è 'l scritōr ad fòli Hans Christian Andersen. In dal camp dla mùśica i èṅ vgnû fóra la Whigfield e 'l grup pop di Aqua, qvéi dla Barbie girl. Fra i sò piàt 'd arcurdàr in cuśina a gh'è 'l frikadeller (pulpéti 'd carna frita) e la risalamande (un dōls ad riś c'n al mandli).
Culegamènt estéran
Albanî 
Andorra 
Armenia 
Austria 
Azerbaigiàn 
Belgio 
Bielorussia 
Bosnia-Ezegovina 
Bulgaria 
Cipro 
Croazia 
Danimarca
Estonia 
Finlandia 
Francia 
Geòrgia 
Germania 
Grecia 
Irlanda 
Islanda 
Italia 
Lettonia 
(manca)
Lituania 
Lussemburgo 
Macedonia 
Malta 
Moldavia 
Monaco 
Montenegro 
Norvegia 
Polonia 
Portogallo
Regno Unito 
Repubblica ceca 
Romania 
Russia 
San Marino 
Serbia 
Slovacchia 
Slovenia 
Spagna
Svezia 
Svizzera 
Turchia 
Ucraina 
Olanda 
Ungheria 
Città del Vaticano
This article uses material from the Wikipedia Emiliàn e rumagnòl article Danimàrca, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.