Carlo Calenda
C'l artìcul chè 'l è scrit in Miranduléś
Miranduléś
Carlo Calenda (Róma, 9 'd Avrìl dal 1973) 'l è 'n dirigìnt 'd aśiénda e pulìtig itagliàṅ.
Fiōl dla regìsta Cristina Comencini, da pìcul 'l à fat la part 'd Enrico Bottini in dal senegiâ dal lìbar Cōr dirèt par sò nunòṅ Luigi Comencini.
Biugrafìa
Laureâ in giurisprudénsa a La Sapiénsa 'd Róma, indirìs „dirìt internasiunàł“, da śōv'n al taca a lauràr in soquànti sucietà finansiàri par pò pasàr a la Ferrari sóta Luca Cordero di Montezemolo, a 'l canàł Sky e pò a Cunfindùstria cuma asistènt dal presidènt.
In dal 2016 'l è numinâ Minìstar p'r al śvilùp ecunòmig in di guèran Renzi e Gentiloni. A 'l sò pòst, in dal 2018, al guèran dal cambiamènt al gh mét Luigi Di Maio, espunènt dal Muimènt Sinc Stéli.
Mémbar dal partî demucràtic da 'l Mars dal 2018, in dal 2019 cun 275.161 preferénsi al vîṅ elèt deputâ a 'l parlamènt européo in dla circuscrisiòṅ nòrd-urientàla, qvéla ch'la gh'à dèntar l'Emìglia-Rumàgna.
Culegamènt estéran
Nòti
This article uses material from the Wikipedia Emiliàn e rumagnòl article Carlo Calenda, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.