C'l artìcul chè 'l è scrit in Miranduléś
Boxing Helena | ||
Boxing Helena | ||
Julian Sands e la Sherilyn Fenn in na figùra dal film | ||
Inscatlànd l'Helena 1993 | ||
---|---|---|
Regìa: Jennifer Chambers Lynch | ||
Scritōr: Philippe Caland • Jennifer Chambers Lynch | ||
Atōr: Julian Sands • Sherilyn Fenn • Bill Paxton Kurtwood Smith • Art Garfunkel • Betsy Clark | ||
Müsica: Graeme Revell | ||
Léngua: Ingléś | ||
Dürä dal film: 107 minüt | ||
Nasiōṅ: Stat Unî |
Boxing Helena (Inscatlànd l'Helena) 'l è 'n thriller dramàtic dal 1993 dla Jennifer Chambers Lynch, chè a 'l sò debùt.
Prima 'd sarnìr cuma prutagunìsta la Sherilyn Fenn, dòp avér pruâ a tōr la Madonna, la prudusiòṅ la s éra misa 'd acòrd in paròla cun la Kim Basinger che però a 'l ùltim la s éra tiràda indrē. Dòp che la questiòṅ l'è finìda in maṅ a gl'avucàt, l'atōra l'è stada custréta a vèr'r al burslèṅ e a pagàr a la Main Line dagnóra quàtar migliòṅ ad dòlar faghénd anc bancaróta.
La pelìcula, ch'l'è stada preśentàda a 'l Sundance Film Festival in dal Śnar dal 1993 e a 'l 50śum Fèstival ad Venèsia, l'à fat sù un migliòṅ e òt ad dòlar.
Nick Cavanaugh (Julian Sands), cirùś'g ad sucès, al gh'à di prubléma c'n al dóni da quànd da pìcul al vdiva cla ninéta 'd sò màdar purtàr-'s a cà 'd cuntìnuv di óm da gusàr-as. Adès al mèdag al s è spuśâ cun l’Anne (Betsy Clark) ma 'l à anc pardû la tèsta par l’Helena (Sherilyn Fenn) che però l'è bèla impgnàda cun cal brut grintèṅ ad Ray O'Malley (Bill Paxton). Ma la dóna la n in vōl savēr ad lò e di sò fiōr, piutòst la decìd ad véd'r-as cun Russel (Bryan Smith).
Un dè la dóna la finìs sóta 'n furgunsèṅ armagnénd frida. Nick al decìd ad curàr-la da par lò cavànd-'g al gambi durànt l'uperasiòṅ par pò tgnir-la in cà sua. Par far in manéra ch'la n pòsa minga scapàr via al dastàca 'l telèfun e pò al decìd ad tiràr-ag via anc i bras. L’Helena la dvènta acsè la sò „bambulìna imbambulàda“.
This article uses material from the Wikipedia Emiliàn e rumagnòl article Boxing Helena, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.