Ashleigh Barty

L’Ashleigh Barty dita Ash (Ipswich, 24 'd Avrìl dal 1996) l'è na tenìsta austragliàna élta 166 cm e ch'la péśa 62 chilo. La dróa 'l bras dèstar, tirànd 'l arvèrs da spés tajâ o sinò a dū maṅ, e la và in camp sèmpar c'n un brét in cô.

Da 'l 24 ad Śugn dal 2019 l'è la nùmar òṅ dal ranking WTA.

Biugrafìa

Prufesiunìsta da 'l 2010, la Barty la mòla 'l tènis da 'l Setémbar dal 2014 a 'l Favràr dal 2016 par dar-'s a 'l cricket. Turnàda a 'l sò spòrt di inìsi, l’Ash la taca a far dabòṅ in dal 2017, an sarâ a 'l 17śum pòst in clasìfica 'd singulàr, cuntinuànd pò anc in dal 2018.

In dal 2019 l'à fat suo 'l Roland Garros, baténd la Markéta Vondroušová par 6-1 6-3, e 'l Premier Mandatory ad Miami cóntar la Karolína Plíšková dand-ag 7-6 6-3 in finàl. In tut la s è misa in bisàca siē turnèo, vins in tut al cunsidisòṅ (èrba, tèra, cimènt a 'l quèrt e a 'l vèrt). Dasfrutànd un perìud lòfi dla giapunéśa Naomi Ōsaka dòp gl'Australian Open, la Barty l'è bòna ad śgranfgnàr-ag via 'l prim pòst vinsénd al turnèo ad Birmingham dand 6-3 7-5 in finàl a la Julia Görges.

In dópi la gh l'à cavàda a rivàr in finàł in tut i turnèo Slam vinsénd gl'US Open dal 2018 insém a la Coco Vandeweghe. L'à fat còpia anc cun la Casey Dellacqua, la Viktoryja Azaranka e la Demi Schuurs.

Culegamènt estéran

• (EN) La sò schéda in sal sit dla WTA