Ascensore Per Il Patibolo

C'l artìcul chè 'l è scrit in Miranduléś

Ascensore Per Il Patibolo Miranduléś

Ascensore Per Il Patibolo Ascenseur pour l'échafaud
Ascensore per il patibolo
Ascensore Per Il Patibolo
La Moreau e Lino Ventura in na figùra dal film
Asinsōr p'r al patìbul
1958
Regìa: Louis Malle
Scritōr: Noël Calef • Roger Nimier • Louis Malle
Atōr: Maurice Ronet • Jeanne Moreau • Jean Wall
Georges Poujouly • Charles Denner • Yori Bertin
Lino Ventura • Elga Andersen • Micheline Bona
Müsica: Miles Davis
Léngua: FrancéśTedésc
Dürä dal film: 88 minüt
Nasiōṅ: Stat Unî
«
Più Hitchcock 'd Hitchcock stés!»
(Tagline dal film)


Ascensore per il patibolo (Asinsōr p'r al patìbul) 'l è 'n film noir dal 1958 ad Louis Malle trat da 'n rumànś ad Noël Calef. 'L è stâ girâ in biànc e négar e 'l è 'l prim dla caréra dal regìsta francéś.

Sunt

La Florence Carala (Jeanne Moreau) e Julien Tavernier (Maurice Ronet) i èṅ dū amànt ch'i s véd'n ad nascòst anc se la dóna l'è spuśàda c'n al cap ad Julien, Simon Carala (Jean Wall), ch'l è 'n industriàł pîṅ ad bèsi ch'al pénsa sōl a i sò afâr. I dū i decìd'n ad far-al fóra. Julien, ch'l è 'n veteràṅ dla Legiòṅ furastéra e 'n ex paracadutìsta in Inducìna e in Algerìa, 'l à bèla prugramâ incòsa. Tirànd-as sù cun na lasa, al gh'à intensiòṅ ad far tut al palàs dal sò cap par rivàr, sénsa èsar vdû, a 'l ufìsi ad Carala par pò sparàr-ag e far in manéra ch'a para 'n suicìdi. Dòp avér fat al sò còmpit, in dal méntar ch'l è drē a rivàr a la sò màchina, Julien al fà a mènt ch'l à lasâ la lasa fóra da la fnèstra. Sénsa pèrdar dal tèmp, e lasànd al ciàṿ in dal cruscòt, 'l óm al tórna in si sò pas par purtàr-as via la próa d'l umisìdi ma, na vòlta tòlt 'l asinsōr, a sucéd ch'al gh'à 'n guàst e a n s mōṿ piò. Purtròp par lò al palàs al sèra p'r al fiṅ dla stmana e lò al gh'à 'd armàgnar là.

In cal méntar la màchina la vèṅ purtàda via da na còpia ad malandrèṅ, Louis (Georges Poujouly) e la sò muróśa Veronique (Yori Bertin). La Florence, ch'la spèta 'l sò amànt in un bar, la véd la màchina andàr via e la créd che Julien al l'àppia fargàda. Quànd pò Louis al masa dū turìsta tedésc, esénd-as rigistrâ in d'l albêrg c'n al nóm dal pruprietàri dla màchina, tut i crédan ch'a sia stâ Julien a cupàr. Chi lò al n pōl minga difénd'r-as.

Culegamènt estéran

Tags:

EmiliànMiranduléś

🔥 Trending searches on Wiki Emiliàn e rumagnòl:

1936.招聘MåsscaLéngua IdoLiliana Segre1697Friedrich NietzscheTecnologî10 ed mazBatman ForeverGiuànIslandaLiechtensteinGeòrgiaLóṅnaEmiliàn e RumagnòlNella mente dell'assassinoDaniel d'ArthezBulgarî26 ed mèrzAliens - Scontro finale1754Heroes Del SilencioOtòberHorror PuppetTritòṅ (astrunumìa)BugutàParì988Freddie MercuryF1978CatalànNicole Minetti1000ValònDe lana caprina1777Vladimir Il'ič LeninUlànda334Castèl BulgnésPtòun201614 ed setèmberTiràna10 d'avrìlLuca Barbareschi1067ScutmâjOmicidio in direttaValonaL18 ed nuvèmberXXI sécolPablo PicassoAragunéśNorfolk (Virgìgna)Itagliàn352 (nùmer)1983498AlbanîOmnia vincit amor3 ed disèmber🡆 More