C'l artìcul chè 'l è scrit in Miranduléś
L’Ana Ivanović, (Belgrâd, 6 ad Nuvémbar dal 1987, ciamàda in Sèrb Ана Ивановић, [ˈanå iˈvaːnɔviʨ] scólta'l chè) l'è na tenìsta sèrba ch'l'è stada la nùmar òṅ dal mónd in singulàr (al 9 ad Śugn dal 2008) par dódas stmani in tut. L'è élta 184 cm e la péśa 69 chilo.
In dla sò caréra l'à śugâ 3 finàli dal Gran Slam e vins 11 turnèo, cun in mèś al Roland Garros dal 2008 e tri Tier I (Montréal 2006 cóntar la śvisra Martina Hingis, Berlîṅ 2007 e Indian Wells 2008 cóntar la rusa Svetlana Kuznecova).
La Ivanović la taca a śugàr a tènis a sinc an. Da pìcula a gh piaśìva dimóndi la śugadōra ad Novi Sad Monica Seles.
La dvènta prufesiunìsta in d'l Agóst dal 2003, vinsénd al sò prim turnèo a Canberra in dal Śnar dal 2005 baténd in finàl la Melinda Czink par 7-5, 6-1. Fra 'l 2007 e 'l 2008 la s pòrta a cà siē tìtui e àtar tri finàli, un quèl ch'al la pòrta a dvintàr la nùmar òṅ dal clasìfichi mundiàli. Sèmpar in dal 2007 la riva in semifinàl a Wimbledon ma la pèrd cóntar la Venus Williams par 2-6 4-6.
Turnéo | An | Vins/Pardû | Aversàri in finàl | Puntéǵ |
---|---|---|---|---|
Roland Garros | 2007 | P | Justine Henin | 1-6, 2-6 |
Roland Garros | 2008 | V | Dinara Safina | 6–4, 6–3 |
Australian Open | 2008 | P | Marija Šarapova | 5-7, 3-6 |
This article uses material from the Wikipedia Emiliàn e rumagnòl article Ana Ivanović, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.