Amsterdamned
C'l artìcul chè 'l è scrit in Miranduléś
Miranduléś Amsterdamned | ||
 La van de Ven e Stapel in na figùra dal film | ||
| id. 1988 | ||
|---|---|---|
| Regìa: Dick Maas | ||
| Scritōr: Dick Maas | ||
| Atōr: Huub Stapel • Hidde Maas • Wim Zomer Monique van de Ven • Serge-Henri Valcke Tanneke Hartzuiker • Pieter Lutz • Lou Landré | ||
| Müsica: Dick Maas | ||
| Léngua: Ulandéś • Ingléś • Spagnōl • Cinéś | ||
| Dürä dal film: 104 minüt | ||
| Nasiōṅ: Ulànda | ||
Amsterdamned (id.) 'l è 'n thriller 'd asiòṅ ulandéś dal 1988 scrit, dirèt e muśicâ par Dick Maas.
Al tìtul al liga insém al paròli Àmsterdam, la capitàla dl'Ulànda in dua 'l è ambintâ, e “Damned” ch'a vrév dir “Maladìda” in Ingléś.
Sunt
A Àmsterdam un masadōr seriàł, c'n adòs na tuta da sub, al gira p'r i canài dla sità. Dòp avér purtâ via 'n curtlàs da maslàr da 'n risturànt cinéś, al cópa na putàna (Barbara Martijn) e pò al taca 'l cadàv'r a 'n pònt. Al dè dòp a pasa da 'd lè na barca ad turìsta e al còrp al s stablìs atàc a i vēdar cun tuta la gint ch'la siga par la scarésa. Al caś al finìs in maṅ a 'l detective Eric Visser (Huub Stapel) ch'al viṿ insém a sò fiōla ad tréd'ś an, l’Anneke (Tatum Dagelet), dòp ch'al s éra divìś da sò mujér.
Cla nòt lè dū ambintalìsta (Koos van der Knaap e Pieter Loof) ch'i éran drē a tōr sù di campiòṅ 'd àqua davśèṅ a 'n impiànt chìmic i vènan cupâ da 'l sasèṅ. In cal méntar Eric, insém a 'l sò vèć amìg da i tèmp dl'acadèmia 'd pulisìa John (Wim Zomer), al próa a 'ndàr-'g a fónd. A vèṅ catâ un baròmetar lè darènt e acsè Eric al taca a indagàr in dal mónd di sub. In òṅ ad chi club spurtìṿ lè Visser al cgnós la Laura (Monique van de Ven) e Martin Ruysdael (Hidde Maas), psichiàtar dla ragàsa.
Culegamènt estéran
This article uses material from the Wikipedia Emiliàn e rumagnòl article Amsterdamned, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.