C'l artìcul chè 'l è scrit in Miranduléś
Head Above Water | ||
Acque profonde | ||
La Cameron Diaz in na figùra dal film | ||
Àqui fóndi 1996 | ||
---|---|---|
Regìa: Jim Wilson | ||
Scritōr: Eirik Ildahl • Geir Eriksen • Theresa Marie | ||
Atōr: Cameron Diaz • Harvey Keitel Craig Sheffer • Billy Zane • Shay Duffin | ||
Müsica: Christopher Young | ||
Léngua: Ingléś | ||
Dürä dal film: 92 minüt | ||
Nasiōṅ: Stat Unî |
Acque profonde (Àqui fóndi) 'l è na cumèdia négra americàna dal 1996 ad Jim Wilson.
La pelìcula, arfacimènt 'd un film nurvegéś da 'l tìtul Hodet over vannet, l'è stada giràda a Phippsburg in dal Maine.
Al giùdas George (Harvey Keitel) e la sò mujér śōvna Nathalie (Cameron Diaz) i decìd'n ad pasàr al vacànsi in dla sò cà a 'l mâr su 'l còsti dal Maine.
Na sira, méntar sò marè 'l è fóra a pés insém a Lance (Craig Sheffer), architét amìg dla Nathalie da quànd i éran pìcui, a riva in cà a surpréśa 'l èx amànt ad lē, Kent (Billy Zane). Chi lò al gh cònta ch'adès 'l è 'n óm lìbar parchè la sò muróśa la 'l à mulâ par via di sò prubléma c'n al bévar. La dóna, esénd ch'la n vōl briśa gusàr, la decìd ad durmìr su 'l divàṅ ma 'l dè dòp la ciàpa 'n cōlp quànd la s rénd cònt ch'al śuvnòt 'l è mòrt, tut nûd sóta 'l quèrti dal lèt, a s pōl dar par via dal sò visi 'd alvàr tròp al gòmat. Spavintàda la ragàsa la decìd ad lugàr al sò còrp in cantìna.
Quànd George al tórna a cà al cata 'l còrp e al s incàsa dimóndi anc se la Nathalie la gh diś ch'i ìvan dascōrs e pò basta. Adès però al cadàvar al gh'à da sparìr anc parchè, ciapànd-'g incòst, 'l óm al gh'à dâ na bòta a 'l còl ch'a s prév anc pinsàr ch'al sia stâ cupâ. Inóltar a n juta minga 'l fat che chi lē in di tèmp pasâ la gh'à abû di prubléma cun la giustìsia par di fat ad dròga.
This article uses material from the Wikipedia Emiliàn e rumagnòl article Acque profonde (film 1996), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.