განა — სახენწჷფო ბჟადალ აფრიკას.
მიშმურს ბრიტანეთიშ ერეფიშ წორომაჸალობაშა. ბჟადალშე უხურგანს - კოტ-დ’ივუარი, ოორუე-ბჟადალშე დო ოორუეშე — ბურკინა-ფასო, ბჟაეიოლშე — ტოგო, ობჟათეშე — გვინეაშ ჸუჯი. ნანანოღა - აკრა.
განაშ რესპუბლიკა Republic of Ghana განა | ||||||
---|---|---|---|---|---|---|
დევიზი: Freedom and Justice | ||||||
ჰიმნი: God Bless Our Homeland Ghana | ||||||
ნანანოღა | აკრა / | |||||
უკაბეტაში ნოღა | აკრა, კიმალე, ტამასი, ბოლგატანგა | |||||
ოფიციალური ნინა(ეფი) | ინგლისური | |||||
თარობა | უნიტარული საპრეზიდენტე რესპუბლიკა | |||||
- | პრეზიდენტი | ნანა აკუფო-ადო | ||||
- | ვიცე-პრეზიდენტი | ბაჰამუდუ ბავუმია | ||||
ფართობი | ||||||
- | გვალო | 239,567 კმ2 (77-ა) | ||||
- | წყარი (%) | 4.61 | ||||
მახორობა | ||||||
- | 2023 ფასებათ | 34,237,620 (80-ა) | ||||
- | მეჭედალა | 101.5 ად/კმ2 (103-ა) | ||||
ედპ (ჸუპ) | 2023 ფასებათ | |||||
- | გვალო | $227.189 მილიარდი (68-ო) | ||||
- | ართ მახორუშე | $6,905 (136-ა) | ||||
აგი (2021) | 0.707 (მაღალი) (133-ა) | |||||
ვალუტა | სედი (GHS ) | |||||
ბორჯიშ ორტყაფუ | (UTC+0) | |||||
ქიანაშ კოდი | GHA | |||||
Internet TLD | .gh | |||||
ოტელეფონე კოდი | +233 |
განაშ წყარპიჯიშ ღოზი (დოხოლაფირო 535 კმ) დაღარასიე დორთილი, ორთაშობური ონიშოლეფი ვაუღუ. ტერიტორიაშ დიდი ნორთი ვე რე. წყარპიჯიშ მანგას 15 კმ-შახ სიგანაშ ზუღაშპიჯიშ რზენიე. ცენტრალურ ნორთის გჷნოფაჩილიე აშანტიშ ფართო პლატო (სიმაღალა 300 მ-შახ); ოორუე-ბჟადალშე ობჟათე-ბჟაეიოლშა 200 კმ-ს გოძჷ კვაჰუშ პლატო. ოორუე ნორთი ველეფს უკებჷ.
ჰავა ეკვატორულ-მუსონურიე, ობჟათე-ბჟადალშე ეკვატორულშა გჷნმალი. არძაშე ტჷბუ თუთაშ (მელახი) ოშქაშე ტემპერატურა რე 27°C-შე (ობჟათე) 32°C-შახ (ოორუე). არძაშე რგილი თუთაშ (მარაშინათუთა), 23°C-შე 26°C-შახ. ნოლექეფი წყარპიჯიშ ბჟადალ ნორთის დო აშანტიშ პლატოს 1 500 - 2 000 მმ წანმოწანას, აკრაშ რაიონს დო წყარპიჯიშ ბჟაეიოლ ნორთის - 650 - 750 მმ, ქიანაშ ოორუეს - 1 000 - 1 200 მმ. გერგობათუთა-მარაშინათუთას საჰარაშ ტიოზიშე უბარს სქირე დო ჩხე ბორია ჰარმატანი.
წყარმალუეფიშ რშვილი შხირიე. უდიდაში წყარმალუშ - ვოლტაშ ღანჩოს ქიანაშ ტერიტორიაშ გვერდშე მეტი უკებჷ. წყარმალუეფი - პრა, ანკობრა დო ტანო ჭორომიანიე, ჭვემაშ სეზონს იძინანს დო ონიშეთ გჷმირინუაფუ. განას აკა ტობა რე - ბოსუმტვი.
ტერიტორიაშ დიდი ნორთი სავანაშ ტყალეფით დო მაღალოდიარებამი სავანათიე ფორილი. ობჟათეშე დო ობჟათე-ბჟადალშე თენეფს ნოტიო სუბტროპიკული ტყალეფი თირანს. ტყალეფს ქვიანაშ ფართობიშ დოხოლაფირო 10% უკებჷ. ოკიანეშ წყარპიჯ ღოზის ქვერჩხამი ჩანარეფიე, ბრელიე ზეთიშ დო ქოქოსიშ პალმა. დიხეფი უმენტაშო ლატერიტულიე. ჩხოლარეფშე სავანაშ ტყალეფს მჷკოსქილადირიე - მუნჭყვი, სავანას - ნჯილო. თაშნეშე ხე კამბეში, ბეჰემოთი, ჯიქი, მაიმუნი, ანტილოპა დო შხვა. მიარეფერუამიე მაფურინჯეეფიშ დო მახოხინალეფიშ ოქიანუ.
This article uses material from the Wikipedia მარგალური (Margaluri) article განა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.