Bevolkiengsdichtheid
Konungariket Sverige | |
---|---|
Liggienge van Zweedn in Europa 61° 19' N, 14° 50' O | |
Officiële toale | Zweeds |
Hoofdstad | Stockholm |
Stoatsvorm | Constitutionele monarchie |
Ippervlak | 449.964 km² |
Inweuners | 9.059.651 (2009) 20,1 inw./km² |
Munte | Zweedsche kroon (SEK) |
Tydzone | UTC+1 (zomertyd: UTC+2) |
Landcode | SE, SWE |
Telefongcode | (+46) |
Internet-TLD | .se |
Nationale fêestdag | 6 juni |
Zweedn (officiële noame: Konungariket Sverige of Keuninkryk Zweedn) is e land in 't nôordn van Europa, met e goeie negen miljoen inweuners ip een ippervlakte van bykan 450.000 vierkante kilometer. Tachtig percent van de Zweedn weunt in verstedelikt gebied. De grotste steedn liggn in 't zudelik dêel van Zweedn, lik d'hoofdstad Stockholm an d'ôostkust, Göteborg an de westkust en Malmö hêel in 't zuudn van 't land.
Zweedn besloat 't ôostelik dêel van 't Scandinoavisch Schiereiland. 't Grenst in 't westn en 't nôordn an Nôorweegn en in 't nôordôostn an Finland.
De kustlyne lopt langst de Botnische Golf in 't ôostn, de Baltische Zêe in 't zuudôostn en 't zuudn, Kattegat en Skagerrak in 't zuudwestn. De Sont is e nauwe zêestroate tusschn 't zuudn van Zweedn en Denemarkn. Sedert 2000 bestoat er e brugge-tunnel tusschn de twi landn.
Gotland en Öland, twi grôte eilandn in de Ôostzêe, moakn ook dêel uut van Zweedn.
De Vikings klaptegen e gemêenschappelikke Germoansche toale, Oudnoors of Norrön. Nu is ter e dudelik verschil tusschn Deens, Noors, Zweeds en Yslands. Erkende minderheidstoaln zyn 't Samisch, 't Fins, 't Meänkieli, 't Jiddisch en 't Roma.
Zweedn is ôok bekend van de (zwoare) industrie. Z' exporteern ol styf lange yzer en hout en ze produceern ôok veel machinen en mechaniek. IKEA, H&M en d' automerkn Volvo en Saab zyn uutgevoundn in Zweedn.
Ze zyn lid van de Europeesche Unie moa ze gebruukn den euro nie, wel underne Zweedse krôon. Êne krôon is ongevêer 11 eurocent.
E grôot dêel nationale parkn en reservoatn liggn verspreid over 't land. 't Gekendste is 't Abisko Nationaal Park in Lapland.
Nôord-Zweedn bestoat uut noaldbusschn (taiga) en uutgestrekte woatervlaktes, die 's wienters verdwynn ounder e dikke loage ys. Bykan 60% van 't Zweeds landippervlak is bedekt me bus. In de Zweedsche nateure leevn d'r grôte wilde bêestn lik elandn, beirn, wolvn, veelvroatn en lynxn.
't Nôordwestn makt dêel uut van Lapland of Sápmi, 't weungebied van de Saami, d'ôorsprounkelikke beweuners van Nôord-Scandinoavië.
In Zweedn bestoat 't allemansrecht, wat da wil zeggn dat iederêen mag wandeln ip particuliere ground vo te genietn van de vrye nateure, zolange da je moa nie gezien of ghôord zyt en ge olles achterloat lik of da j't gevoendn et.
Zweedn et e ryk historisch verleedn. Vele overbluufseln zyn nog assan te zien, lik 1140 kastêeln, 2500 runestêens en 25.000 beschermde groavn uut 't yzern tydperk. 't Cultuurcentrum van Zweedn is Stockholm. Ystad en Båstad zyn gekende kustplekkn. D'Ôostzêe-eilandn Gotland en Öland zijn toeristisch populair deur under mild klimoat en subtropische plantngroei.
Ofbeeldiengn die ier by passn ku je vien in de categorie Sweden van Wiki Commons. |
Europese Unie (EU) | |
---|---|
Landn in Europa |
---|
Albanië • Andorra • Armenië • Azerbeidzjan • België • Bosnië-Herzegovina • Bulgareye • Cyprus • Denemarkn • Duutsland • Estland • Finland • Georgië • Grieknland • Holland • Hongareye • Ierland • Itoalië • Kazachstan • Kosovo • Kroatië • Letland • Liechtnstein • Litouwn • Luxemburg • Malta • Moldoavië • Monaco • Montenegro • Noord-Macedonië • Nôorweegn • Oekraïne • Ôostnryk • Pooln • Portugal • Roemenië • Rusland • San Marino • Servië • Slovakeye • Slovenië • Spanje • Tsjechië • Turkeye • Vaticoanstad • Verênigd Keunienkryk • Vrankryk • Wit-Rusland • Ysland • Zweedn • Zwitserland |
This article uses material from the Wikipedia West-Vlams article Zweedn, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.