Jumal vai Ülähäine i Taivhaline om suren, sakraližen Ülembaižen Olijan nimi teistižiš da deistižiš uskondoiš.
Monoteistižiš religijoiš (hristanuskond, islam, judaizm) Jumal om Absolütan personofikacii, transcendentine ülembaižen realižusen avaiduz, i ližaks Hän om ühthine da üks'jäine, ei ole Hänen pojavid. Om äi jumaloid politeistižiš religijoiš, eriližidenke «funkcijoidenke» i parembuzidenke; no heiden keskes päjumal om olmas (ozutesikš, Jumou vepsän mifologijaspäi; m. k. monolatrii).
Kaiked mail'madme 60..90% täuz'igäšt ristitištod uskotas Jumalha.
Erased muštatišed oma ottud «Mi meles, se i keles»-kogodusespäi.
- Andoi jumal sun, andab sömäd-ki (supalan-ki).
- Hän jumalkodas om rott'ud. (dročejan ristitun polhe)
- Jumal ei käske edelpäi teta.
- Jumalan bardha em voigoi tabatas.
- Jumalata ala mäne nikuna.
- Kaite, i Jumal kaičeb.
- Kuna Jumal ozuti, sihe koled-ki.
- Laud om jumalan kämen'.
- Mehed manitad, a Jumalan ed manita.
- Mehel om mela kädes, a Jumal venehen veb.
- Mez' magadab, a Jumal varjoičeb.
- Mez' söb, mez' sab, mehele andab Jumal.
- Min Jumal andab, sen Mustikei kandab.
- Pästa Jumal paimeta verhid živatoid da kacta verhid lapsid.
- Rahvahaspäi voib kaik sijad peitta, a Jumalaspäi ei voi.
- Sinun sana da jumalale korvha.
Jumal Vikiaitas |
This article uses material from the Wikipedia Vepsän article Jumal, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.