Gana

El Ghana l'è grando 238.540 km².

El paese l’è dominà da coline base e da picole pianure. Al centro ghe l’altopian de Kwahu.

Da l’altopian sende el fiume Oti che, con le acque del Volta Bianco e del Volta Roso, va a formar el lago Volta, el piasè grande lago artifisial del mondo.
La costa Atlantica ga de le maree tanto grosse, con punte masime de 12 metri di dislivel.

Par savèrghene de pì, vardarse ła voxe Storia del Ghana.

Antighità

Prima de la colonizaxion, el Ghana l’è sta uno dei imperi piasè importanti de l’Africa. La richeza de la tera, dei minerai, e el marcà co i altri popoli de la costa, ia ajudà el popolo Ashanti a svilupar na cultura e tecnołozia avanzada. Grasie ai contati con el mondo arabo e a l’Europa, el Ghana ga sempre avù un livel de vita piasè alto che i altri paesi africani de la zona. El clima xera bon pal la coltivazion del cacao che xe diventà presto uno de i investimenti piasè grosi del paexe. La lavorasion de l’oro e de altri minerali xe stà sempre importante.

Modernità

El xe diventà na colonia britanega inte el 1874 e i coloni inglexi i guardaa al Ghana come la colonia modelo.
El piasè importante governator inglexe fu Frederick Gordon Gussiberg che, dal 1919 al 1927, se ocupò del svilupo de la colonia e de darghe na voce ai africani che no podea dir niente su i afari del loro paexe.

Durante la seconda guera mondial, tanti ghaneani xe andà a combatar in Europa par i britaneghi. Quando i xe andà indrio i ga volesto i loro diriti e la tension tra i colonialisti e i ghaneani ga cressesto.
Inte el 1947, i sioroti del Ghana ga fondà l’Union de la Costa de l’Oro (United Gold Coast Convention). Inte el isteso ano Kwame Nkrumah, che gavea studià in Inghiltera e se sera acorto del bisogno de un partio popolar, ga fondà el Partio de la Convention del Popolo. Nkrumah volea l’indipendenza e l’auto-governo subito. I inglexi resistea el cambiamento e i xe rivai a arestare i cai pułìteghi piasè famosi.
A le prime elezioni libare, Nkrumah l’era vincitor, ma in prison.

Indipendensa

El Ghana xe famoso par essar sta’ la prima nasion africana a averghe l’indipensensa, el 6 marso 1957.
Nkrumah el fu liberà par diventar el primo Presidente del Ghana.
Nkrumah l’era el cao de governo piasè carismàtego de l’Africa e ga sostegnù tuti i paesi africani che volea l’indipendenza. Parò la so pułìtega no l’era sempre la mejo par el Ghana.

Inte el 1966, i militari ga ciapà el poter.
Dopo un altro colpo de stato el 1979 i militari ga proposto na nova Costitution e el ritorno a libare elezioni.

Ancò el Ghana xe na repùblega democràtega e el presidente xe John Agyekum Kufuor.

La cavedal xe Accra.

El ga na popolasion de ventido milioni de abitanti.

Religion

La majoria de i ghaneani xe cristiani (54%).
Quei che segue le religioni tradizionali xe el 35%. I altri xe musulmani o de altre religioni minori.

Lengoe

L’inglexe xe la lingua oficial.
La gente la parla 79 lengoe difarenti. Le piasè importanti xe l’akan, el mole-dagomba, e l’ewe.

•  
  altopian de el Cuahu
•  
  fiume Volta
•  
  panorama de Cumasi
•  
  casteło de Elmina, sito ONUESC