صربستون
شمالی′۴۸°۴۴ / ۲۰٫۴۶۷غرب ۴۴٫۸جنوب / −۲۰٫۴۶۷;−۴۴٫۸
صربستون (صربی جه: Србија) که ونه رسمی نوم صربستون ِجمهوری هسته، اتا اروپایی کشور هسته که بالکان دله دره. این کشور مجارستون، رومانی و بلغارستون، مقدونیه و مونته‌نگرو، کرواسی و بوسنی و هرزگوین جه سامون دانّه. بلگراد این کشور نیشتنگا (=پایتخت) هسته.
| صربستون ِجمهوری Република Србија صربستون | ||||||
|---|---|---|---|---|---|---|
| ||||||
| ملی سرود: خدای ِعدالت | ||||||
.png) | ||||||
| نیشتنگا (و گتترین شهر) | بلگراد شرقی′۲۸°۲۰ شمالی′۴۸°۴۴ / ۲۰٫۴۶۷غرب ۴۴٫۸جنوب | |||||
| رسمی زوون | صربی زوون | |||||
| حکومت ِنوع | پارلمونی جمهوری | |||||
| حاکمون نوع • رئیس جمهور • نخست‌وزیر | تومیسلاو نیکولیچ ایویتسا داچیچ | |||||
| موارد منجر به تشکیل ؛ صربستون و مونته‌نگرو جه | ۵ ژوئن ۲۰۰۶ | |||||
| گتی | ||||||
| - | گتی | ۸۸٬۳۶۱کیلومتر مربع (۱۱۳ام) | ||||
| - | ئو (٪) | ۰٫۱۳ | ||||
| جمعیت | ||||||
| - | سرشماری | ۷٬۴۹۸٬۰۰۱ | ||||
| - | جمعیت انبسی | ۱۱۵/km۲ (۹۴ام) | ||||
| جی‌دی‌پی | (تخمین ۲۰۰۷) | |||||
| - | مجموع | ۶۴ میلیارد دلار (۶۶ام) | ||||
| - | سرانه | ۸٬۳۰۰ دلار (۸۱ام) | ||||
| پول یکا | دینار صربستان (RSD) | |||||
| زمونی منطقه | CET (جهونی ساعت+۱) | |||||
| - | تابستونی (DST) | CEST (جهونی ساعت) | ||||
| اینترنتی دامنه | .rs (.yu) | |||||
| تلفن پیش‌شماره | +۳۸۱ | |||||
 | ||||||
جوغرافی
صربستون اروپا دله دره. اینتا کشور بالکان ِجزیره‌مونا و پانونین ِجلگه دله قرار بَییته. دانوب ِروخِنه (۲۸۵۰ کیلومتر) صربستون ِشمال ِیک‌سوم ره دانّه. این روخنه‌ی ِ۵۸۸ کیومتری مسیر صربستون و کرواسی سامون ره سازنه و رومانی ِسامون ره هم بعضی جاهان تعیین کانده. صربستون دله «ساوا»، «تیمیش»، «درینا» و «بگج» ِرخنه‌ئون هم دَرنه. صربستون ِیک‌چارم (۲۷٪) جنگل دانّه.
صربستون برخلاف دیگه کشورونی که قبلاً یوگوسلاوی دله دَیینه، کوه و سی خله ندانّه و ویشته جنگلی و چفت ِبِنه هسته. دانوب و دیگه روخنه‌ئون بتونّه ۹۴% کشاورزی زمین‌ها ره صربست.ن و وویوودینا دله ئو هادِن. همینسه بالکان ِکشورون دله، همه جه ویشته صربستون ِکشاورزی مناسب هسته.
تاریخ
صربستون پادشائی یا امپراتوری تا چن قرن بالکان دله‌ی ِمناطق ره شه کنترل داشته. این کشور شرقی و غربی کشورون ِسامون ره موندسته و وشون ره سِوا داشته. صربستون، مقدونیه، مونته‌نگرو و بوسنی و هرزگوین همه‌شون سال ۱۳۸۹ میلادی عثمانی ِسامون دله دَیینه و ۴ قرن په‌یی‌ته، سال ۱۹۱۲، کوزووی جنگ ِپه، استقلال پیدا هاکردنه. وشونا اتا متحد ِکشور بَیینه و کرواسی و اسلوونی ِهمراهی جه یوگوسلاوی ِپادشائی ره بساتنه که تا سال ۱۹۴۵ دمباله داشته و اون گادِر تیتو حکومت جه برسی‌یه. این گادِر عثمانی ِنیروئون بالکان دله بَیینه و صربون شه ره په‌یی بَکشینه و بوردنه غرب ِسو.
صربستون ِترنه (=نوین) حکومت سال ۱۸۱۷ میلادی، که صرب‌ها دومین بار وسّه قیام هاکردنه، بساته بیّه. اینتا کشور ِاسایی (=کنونی) سامون جهونی جنگ دوم په، این شکل بیّه. صربستون اون گادِر اتا مستقل کشور نیّه و یوگوسلاوی ِسوسیالیستی ِفدراسیون نظر په دَیّه. صربستون و مونته‌نگرو روز ۴ فوریه ۲۰۰۳ رسماً یوگوسلاوی ِنوم ره عوض هاکردنه و روز ۵ ژوئن ۲۰۰۶ دِتا کشور بَیینه. سال ۲۰۰۸ دله، کوزوو، که اتا شه‌مختار (=خودمختار) ایالت بی‌یه، اعلان استقلال هاکرده و بائوته که خانه صربستون ِسامون جه سِوا بَواشه. صربستون ِحکومت کوزووی ِاستقلال ره غیرقانونی دونده و وه ره قبول نکانده.
تقسیمات
صربستان ۲۹ ناحیه دانّه و بلگراد هم اتا سِواءِ بخشه. صربستون اینان به کنار، دِتا شه‌مختار ِبخش هم دانّه: کوزوو و متوهیا که جنوب دَره و وُیوودینا که شمال دله دره. کوزوو ۱۷ فوریه ۲۰۰۸ جه اعلان استقلال هاکرده ولی صربستون هنتا وه ره اتا مستقل ِکشور ندونده و سازمان ملل ِموقتی نماینده‌ئون دَرنه وره گردونِنّه.
صربستون ِباقی‌بموندست منطقه که نا کوزوو شِنه و نا ویوودینا شِنه ره میونی صربستون گانّه. میونی صربستون شه وسّه اتا محلی دولت ندانّه و سیاسی تقسیمات دله جا نَیینّه.
جمعیت‌شناسی
مه ۲۰۰۵ صربستون جمعیت اینتی بی‌یه:
- میونی صربستون: ۵٬۴۷۹٬۶۸۶
- وُیوودینا: ۲٬۱۱۶٬۷۲۵
- کوزوو: ۱٬۸۰۰٬۰۰۰
صربستون دله ویشته صرب هستنه. مهمترین اقلیتون صربستون دله آلبانیاییون، مجارون، بوسنیایی‌ئون، جوگی‌ئون، کروات‌ئون، چکی‌ئون و اسلواک‌ئون، مونته‌نگرویی‌ئون، مقدونیه‌یی‌ئون، بلغارون، رومانیایی‌ئون و... هستنه. دِتا استان وویوودینا و کوزووی ِتبار و مذهب هم بقیه جائون جه فرق کانده.
- جمع: ۷٬۴۹۸٬۰۰۱
- صربون: ۶٬۲۱۲٬۸۴۴ (۸۲٫۸۶ درصد)
- مجارون: ۲۹۳٬۱۷۲ (۳٫۹۱ درصد)
- بوسنیایی‌ئون: ۱۳۶٬۴۶۴ (۱٫۸۲ درصد)
- جوگیون: ۱۰۷٬۹۷۱ (۱٫۴۴ درصد)
- یوگوسلاوون: ۸۰٬۹۷۸ (۱٫۰۸ درصد)
- دیگرون: ۶۶۶٬۵۷۲ (۸٫۸۹ درصد)
شهرون
جمعیت شهرهای بزرگ (بیشتر از ۵۰٬۰۰۰ نفر) بر اساس سرشماری ۲۰۰۲
- بلگراد: ۱٬۱۲۰٬۰۹۲
- نووی ساد: ۱۹۱٬۴۰۵
- نیش: ۱۷۳٬۷۲۴
- کراگویواتس: ۱۴۶٬۳۷۳
- سوبوتیتسا: ۹۹٬۹۸۱
- زرنیانین: ۷۹٬۷۷۳
- لسکوواتس: ۶۳٬۱۸۵
- اسمدِرِوو: ۶۲٬۸۰۵
- پانچِوو: ۷۷٬۰۸۷
- کروشواتس: ۵۷٬۳۴۷
- چاچاک: ۷۳٬۲۱۷
- اوژیک: ۵۴٬۷۱۷
- والیوو: ۶۱٬۰۳۵
- کرالیوو: ۵۷٬۴۱۱
- شاباتس: ۵۵٬۱۶۳
- ورانیه: ۵۵٬۰۵۲
- نووی پازار: ۵۴٬۶۰۴
- سومبور: ۵۱٬۴۷۱
بن بنویشت
منابع
| ویکی تلمبار دله بتونّی پرونده‌ئونی که صربستون خَوری دَره ره پیدا هاکنین. |
This article uses material from the Wikipedia مَزِروني article صربستون, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). محتوا جه تحت CC BY-SA 4.0 دسترسی دارنی، مگر اینکه خلافش ثابت بَواشه. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki مَزِروني (DUHOCTRUNGQUOC.VN) is an independent company and has no affiliation with Wiki Foundation.