Österreich

Seijd 1922 bestehd öt us dr Zösammeschloss van d Bundesländer Burgenland, Kärnten, Niederösterreich, Oberösterreich, Salzburg, Steiermark, Tirol, Vorarlberg und Wien. Wien es zöjlich d Hauptstadt van öt Land.

Österreich had Nobberländer. Em Norde jrenzd Dütschland un d Tschechei an öt Land. Em Oste stüssd Österreich an d Slowakei suwi a Unjarn. Slowenie, Italie un d Schweiz vängd mo em Süde.

Wien, d Hauptstadt, es d jrüützde Stadt va Österreich. Do läävde em Joohr 2017 öm d 2,6 Milliun Lüüh un domet mi als ö Veedel van di 9,1 Milliun Persune (2023), di em janze Land lääve. Donävver send Jraz, Linz, Salzburch un Innsbruck d jrützde Städt.

 

Dat Land weed dörch Berch jeprächd. D Alpe dörchtrecke bo öt janz Österreich, watt dat Land och dr Naaam Alperepublik äbraad. Zm Oste hen välld öt Land ävver flach aav, su dat d hükßde Berch em Weste z vänge send. Österreichs hükßde Berch es met 3798 Meter dr Großglockner. Onger d Flöss, di dörch Österreich loufe, es d Donau d Nommer ee, ävver och Lech, Isar un Inn spelle ön Roll beij d Wasservührung.

Öt Kleinwalsertal spelld ön besongije Roll. Öt jehüd zo Österreich, es ävver, ohne z klömme, mä dörch Dütschland z erreiche. Mo sprechd van d Enklave Kleinwalsertal.

• Övver öt Land

  Commons: Österreich – Album mit Bilder, Filemche un Tön op Wiki Commons