Ndumsa
Ndumsa (maa ndunsa), keewal mum ko dumsi, ko kuullel ladde.Innde mum fottanaande e ganndal kuulle ko Kobus ellypsiprimnus.
Tawetee hannde ko he lesdi ɓaleeri. Ko duroowel jemma, woɗɗotaako ndiyam. Nagge mum wa'i ko no nagge wuro nii. Alaa galaaɗi (luwe). Ko ngaari mum ndii waɗi galaaɗi. Ngaari-ndumsa ana wi'ee kadi paparaari-ndumsa. Ana siiwɗa to baŋŋe wutte oo, ana ɓalwa, ana furɗa wano cefe na'i nii. Ko noon ndumsa siforii. Ana jibina kala saanga. Ngaari-ndumsa rewan e nagge mum wano nagge wuro nii, nagge ngee rima caggal lebbi jeenay. Ndumsa ana waɗi holsere. Wo leɗɗe kecce e huɗo durata. Ɓuri heewde hoɗde ko e farooji.
Ko barooɗe, cewɗi (buutooji), pobbi (bonooji) keewata sonngude ɓikkon kon ñaama kon. Ndumsa so mawnii ana waawi dogude ko yahata wa 63 km e nder waktu gooto. Wo ɗuum waɗi newanaaki kuulle ñaam-teewuuje ɗee nanngude ɗum. Kono noon yimɓe ana mbaaña ndumsa mbara ñaama teewu nguu.
This article uses material from the Wikipedia Fulfulde article Ndumsa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Fulfulde (DUHOCTRUNGQUOC.VN) is an independent company and has no affiliation with Wiki Foundation.