Ghana: Estáu soberanu d'África occidental

Constitucionalmente ye una república xunitaria, constitucional y democrática. Tien una estensión de 238.535 km, y llenda al oeste con Costa de Marfil, con Burkina Fasu pel norte y con Togu pel este, y col Golfu de Guinea -una sodivisión del océanu Atlánticu- al sur. La pallabra Ghana significa "rei guerreru" na llingua Soninke.

Ghana Republic of Ghana
estáu soberanu
Bandera de Ghana escudu de Ghana
Lema nacional	Freedom and Justice Llibertá ya Xusticia
Himnu nacional	God Bless Our Homeland Ghana
Alministración
Nome oficial	Ghana (en) Ghana (ak) la République du Ghana (fr)
Capital	Accra
Forma de gobiernu	Democracia
Presidente de Ghana (es)	Nana Akufo-Addo (dende xineru 2017)
Presidente de Ghana (es)	Nana Akufo-Addo (dende xineru 2017)
Llingües oficiales	inglés
División	ver Región Ashanti (es) , Región Brong-Ahafo (es) , Región Central (es) , Región Oriental (es) , Región Gran Acra (es) , Región Norte (es) , Región Alta Oriental (es) , Región Alta Occidental (es) , Región Volta (es) y Región Occidental (es)
Rellaciones diplomátiques	ver Alemaña (1957) Australia Serbia Costa de Marfil Nixeria Burkina Fasu Dinamarca Sudáfrica Xamaica Malasia Taiwán Togu Estaos Xuníos Rusia República Popular China Bangladex India Xeorxa (4 avientu 1992) Hungría Corea del Norte (28 avientu 1964)
Miembru de	ver Organización de les Naciones Xuníes (8 marzu 1957) Mancomunidá de Naciones (1957) Xunión Africana Organización Mundial del Comerciu Bancu Internacional de Reconstrucción y Fomentu (20 setiembre 1957) Asociación Internacional de Fomentu (29 avientu 1960) Corporación Financiera Internacional (3 abril 1958) Organismu Multillateral de Garantía d'Inversiones (29 abril 1988) Centru Internacional d'Arreglu de Diferencies Relatives a Inversiones (14 ochobre 1966) Bancu Africanu de Desarrollu Operación Híbrida de la Unión Africana y las Naciones Unidas en Darfur (es) Estaos d'África, del Caribe y del Pacíficu Interpol (15 setiembre 1958) Organización pa la Prohibición d'Armes Químiques (8 agostu 1997) UNESCO (11 abril 1958) Grupu d'Observaciones de la Tierra Xunión Postal Universal (10 ochobre 1957) Xunión Internacional de Telecomunicaciones (17 mayu 1957) Organización Internacional de Proteición Civil (2 agostu 1974) Organización Meteorolóxica Mundial (6 mayu 1957) Organización Mundial de la Salú Comunidá Económica d'Estaos del África Occidental Organización Mundial d'Aduanes (1 agostu 1968)
Xeografía
Coordenaes	8°02′N 1°05′W / 8.03°N 1.08°O / 8.03; -1.08
Superficie	238535 km²
% agua	4,61%
Llenda con	2.093 km
Puntu más altu	Monte Afadjato (es)
Puntu más baxu	Golfu de Guinea
Demografía
Población	32 833 031 hab. (2021)
Densidá	137,64 hab/km²
Xentiliciu	ghanianu (masculín singular) ghaniana (femenín singular)
Esperanza de vida	62,742 años
IDH	0,632 (2021)
Tasa de fertilidá	4,168 (2014)
Economía
Moneda	Cedi
PIB nominal	79 156 409 410 $ (2021)
Bancu central	Bancu de Ghana
Más información
Dominiu d'Internet	.gh
Códigu telefónicu	+233
Códigu ISO	288 / GHA / GH
Estaya horaria	UTC±00:00 y Africa/Accra (en)
ghana.gov.gh

Ghana ye una nación multicultural, con una población de 27 millones d'habitantes de distintes etnies, llingües y relixones. El 5% de la población practica cultos tradicionales, el 71,2% ye cristianismu|cristiana y el 17,6% Islam|musulmana. La so xeografía ye perdiversa, lo que da llugar a ecosistemes perdiferentes que van de la sabana costera a la selva tropical del interior. Ghana ye un país democráticu gobernáu por un presidente que ye, al tiempu, xefe del estáu y xefe del gobiernu. La so economía ye una de les más fuertes y diversificaes d'África como resultáu d'un cuartu de sieglu de relativa estabilidá política y bona gobernanza. El so puxu económicu y la fuercia del so sistema democráticu conviértenlu nún de los principales actores políticos del África occidental. Ye miembru del Movimientu de los non Alliniaos, de la Xunión Africana, de la Comunidá Económica d'Estaos del África Occidental (ECOWAS) y del Grupu de los 24.

El territoriu de l'actual Ghana lleva habitáu miles d'años, y el primer estáu permanente documentáu nelli ye del sieglu XI. Con posterioridá a esa fecha numberosos reinos y imperios ocuparon estes tierres; rescampla ente ellos el reinu d'Ashanti. Los europeos aportaron a la zona nel sieglu XV, y comenzaron a competir ente ellos pa consiguir derechos comerciales; seríen los británicos los que llograran finalmente'l control del territoriu pa finales del sieglu XIX. La colonia de la Costa del Oru, coincidente nes sos llendes col actual Ghana, establecióse, tres d'un sieglu de resistencia de los nativos, en 1900. Esta colonia foi, en 1957, la primer nación subsaḥariana en declarar la so independencia de la so metrópolis europea.

Anque s'atopa bien forníu de recursos naturales, Ghana ye unu de los países más probes del mundu. Depende de l'ayuda téunica y financiera internacional. Sicasí, ye'l segundu productor mundial de cacáu. Tamién l'oru, la madera, los diamantes, el manganesu y la bauxita son importantes fontes d'ingresos.

La economía llocal xira alredor de l'agricultura de subsistencia, que supón el 40% del PIB y emplega al 60% de la población activa, principalmente pequeños propietarios agrícoles.

 

Un sector n'espansión ye'l turismu, que pudo desenvolvese gracies a la guapura de les sableres nel Golfu de Guinea y al interés qu'amena la vida xavaz de les sos parques naturales. Los visitantes pasaron de 146.000 en 1990 a 442.000 en 2006.

La presa de Akosombo ye una importante fonte tantu d'electricidá como d'entraes pola so esportación a otros paísessobremanera a Togu y a Benín. En 2003 Ghana produció 5.400 millones de kWh d'electricidá. Sicasí, los baxos niveles del llagu Volta menguaron la so productividá.

La Xunión Europea ye'l so principal sociu comercial. Anque, los Estados Xuníos nun se queden bien atrás en sociedá comercial con Ghana.

•   Wiki Commons acueye conteníu multimedia sobre Ghana  .