Waterbok
Die waterbok (Kobus ellipsiprymnus) is 'n wildsbok wat in Wes-Afrika, Sentraal-Afrika, Oos-Afrika en Suider-Afrika voorkom.
| Waterbok | |
|---|---|
_male_at_Kruger_NP,_Mpumalanga,_South_Africa.jpg) | |
 | |
| 'n Bul, koei en kalf in die Krugerwildtuin | |
| Wetenskaplike klassifikasie | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | Kobus |
| Spesie: | K. ellipsiprymnus |
| Binomiale naam | |
| Kobus ellipsiprymnus (Ogilby, 1833) | |
 | |
| Verspreiding | |
Die dier is by sy skouers omtrent 100 tot 130 cm hoog en weeg tussen 160 en 240 kilogram. Die vel is rooibruin, maar word donkerder met ouderdom. 'n Wit "borslap" is kenmerkend onder die keel asook 'n wit ring om die boude. Net die bulle dra horings.
Waterbokke kom in bos- en savanne-gebiede voor, met 'n dieet bestaande uit gras. Ondanks die naam waterbok is hulle nie lief om in water te gaan nie, maar word altyd naby oop water aangetref. Koeie kom soms in troppe van twee tot ses voor. Bulle is territoriaal, met gebiede van tot 1,2 km². Bulle verloor gewoonlik hul gebied voor die ouderdom van tien jaar.
Die Defassa-waterbok is 'n subspesie (Kobus ellipsiprymnus defassa). Die ring op hulle boude is solied wit.
Die waterbok (Kobus ellisiprymnus) is een van die grootste wildsbokke wat in Suid-Afrika aangetref word. Die bul kan 'n skouerhoogte van meer as 130 cm bereik en sowat 250 kg weeg, terwyl sy geboe en geriffelde horings bykans 1 m lank kan word.
Die koei is kleiner as die bul en het geen horings nie. Waterbokke se liggame is met lang, growwe hare bedek wat oor die algemeen grysbruin van kleur is. Aan die kop en nek kom wit vlekke voor, maar die opvallendste kenmerk is die helderwit kring om die stert. Om hierdie rede is die waterbok vroeër dikwels ook kringgat genoem. Waterbokke is kuddediere wat in troppe van 20 of meer hou.
Hulle vreet hoofsaaklik gras en word nooit ver van water af aangetref nie. Wanneer hulle aangeval word, vlug hulle dikwels water toe en verdedig hulle dan vanuit die water. Daarby is waterbokke ook sterk swemmers. Die diere skei 'n muskusagtige reuk af en daar word beweer dat dit krokodille afskrik. Dit is egter nie 'n algemeen aanvaarde feit nie en sommige dierkundiges meen dat die reuk eerder verhoed dat insekte die bokke lastig val.
Waterbokkoeie is sowat 8 maande lank dragtig en een rooibruin kalf word gewoonlik in Januarie of Februarie gebore. In Oos- en Sentraal-Afrika word 'n soortgelyke spesie, die Defassa-waterbok of tropiese waterbok (Kobus defassa) aangetref.
Hy verskil van die gewone waterbok hoofsaaklik daarin dat hy 'n wit vlek in plaas van 'n wit kring om die stert het.
Sien ook
Fotogalery
-
Bul in die Suid-Luangwa Nasionale Park, Zambië -
Klein trop waterbokkoeie in die Okavangodelta -
Drie waterbokkoeie in die Krugerwildtuin -
'n Bul by die Mosi-oa-Tunya Nasionale Park, Livingstone, Zambië
.jpg)
Bronnelys
- Wêreldspektrum, 1982, ISBN 0908409702, volume 29, bl. 75, 76
- Waterbuck (Kobus ellipsiprymnus) facts and photography - Wild Animals Online encyclopedia
Verwysings
Eksterne skakels
- Wiki Afrikaans
Wiki Commons het meer media in die kategorie Waterbok.
Wikiwoordeboek het 'n inskrywing vir waterbok.
- Wiki Afrikaans
Wikispecies het meer inligting verwant aan Waterbok
This article uses material from the Wikipedia Afrikaans article Waterbok, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.