རྡོ་གར་རྡོབ་རྗི་རྫོང་
སྔོན་ བོད་ལས་རྗེ་བཙུན་མི་ལའི་སྐུ་གཅིག་ རྗེ་ངག་དབང་འབྲུག་པའི་གདན་ས་ འཚེམ་རྡོ་མགོན་པ་ཟེར་ ཞུ་སྲོལ་ཡོད་རུང་ དེང་སང་ཁ་སྐད་ཟུར་ཉམས་འདི་མཚམས་བྲག་མགོན་པ་ཟེར་ རྗེ་མི་ལ་འདི་ཁ་བཞུགས་ནི་སྦེ་ ཕྱི་རུ་དགུང་ཞག་ ད་ལྟོ་ཡོད་པའི་ རྡོབ་རྗི་རྫོང་ཡོད་སར་ལུས་སོང་ནུག དེ་ལས་དེའི་ནངས་པ་ ཉི་མའི་རྩེ་དང་མཉམ་ བཞུགས་སུ་གསོལ་ཟེར་ཞུ་པའི་ཚེ་ བཞུགས་མ་ཚུག་པ་ སྤོ་ནི་འབདཝ་ད་ རྗེ་བཙུན་གྱི་ཞལ་ལས་ ལུང་བསྟན་འདི་ནང་ཡོོོད་པའི་སྐོར་ གསུངས་ནུག ད་ལྟོ་བར་ནང་ཡང་ ཞལ་མཚམས་བྲག་མགོན་པ་ ཁ་ཐུག་ལུ་གཟིགས་ས་མཇལ་ནི་ཡོད། རྡོབ་རྗི་ཟེར་མི་འདི་ཡང་ ཁ་ཟུར་ཉམས་ཡར་སོངཔ་སྦེ་བཤད་ནི་འདུག ངོ་མ་སྦེ་ཅིན་ རྗེ་བཙུན་གྱི་རྡོག་པའམ་ ཞབས་རྡོ་གུ་བགྲད་འདི་ བཞུགས་ཡོད་པའི་རྒྱུ་མཚན་ལུ་རྟེན་ འདི་ཁའི་མཚན་ རྡོག་བགྲད་རྫོང་ཟེར་ ཞུཝ་ཨིན། རྡོག་ཟེར་མི་ ཞེ་སའི་ཐོག་ལས་ཞུ་བའི་བརྡ་དང་ གལ་སྲིད་མ་སྦྱར་བ་ཅིན་ ཆོས་སྐད་ནང་ལས་རྐངམ་ལུ་གོཝ་ཨིན།
This article uses material from the Wikipedia ཇོང་ཁ article རྡོ་གར་རྡོབ་རྗི་རྫོང་, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ཇོང་ཁ (DUHOCTRUNGQUOC.VN) is an independent company and has no affiliation with Wiki Foundation.