ཐོང་གཤོལ་འཁོར་ལོ་
བོད་ཀྱི་ལོ་ཐོའི་སྟེང་སོ་ནམ་འཁོར་ལོ་དང་ཐོང་གཤོལ་འཁོར་ལོ་ཞེས་རི་མོ་གཉིས་བཀོད་ཡོད་ཅིང་། ཐོང་གཤོལ་འཁོར་ལོའི་སྟེང་གི་ཨང་ཀི་ཡང་རྒྱུ་སྐར་ཉེར་བདུན་མཚོན་བྱེད་ཡིན་ཞིང་། ཉི་མས་འཁྱུད་པའི་སྐར་མ་ནས་གཤོལ་ལྕགས་ཀྱི་རྩེ་ལ་གཉིས་བཀོད་དེ། ས་མཐོང་ལ་གསུམ། མི་མཐོང་ལ་གསུམ། འཆང་བཟུང་ལ་གཉིས། གཤོལ་ཟླ་ལ་བཅུ། གཉའ་ཤིང་ལ་བརྒྱད་བཀོད་དེ། ཟླ་བ་རྒྱུ་སྐར་ཉེར་བདུན་གྱི་གཞི་ཁྱོན་གང་དུ་གནས་པའི་སྐར་མ་དེ་གཤོལ་ལྕགས་ཀྱི་རྩེ་གཉིས་ལ་སོང་ན་བཙའ་ཡིས་འཁྱེར་བ་ཐེ་ཚོམ་མེད་པ་དང་། ས་མཐོང་གསུམ་ལ་སོང་ན་ལོ་ལེགས་ཀྱང་སྲོག་ཆགས་ལ་སྡང་བ། མི་མཐོང་གསུམ་ལ་སོང་ན་འབྲུ་རིགས་འཕེལ་ཞིང་ལེགས་པ། འཆང་བཟུང་ལ་སོང་ན་ལོ་ནད་འབྱུང་བ། གཉའ་ཤིང་ལ་སོང་ན་དགྲ་ཡིས་འཇོམས་པའི་དོགས་པ། གཤོལ་ཟླ་བཅུ་ལ་སོང་ན་བཏང་སྙོམས་བྱེད་པ་སོགས་ངོ་སྤྲོད་རགས་ཙམ་ཞུས་པའོ། །
This article uses material from the Wikipedia ཇོང་ཁ article ཐོང་གཤོལ་འཁོར་ལོ་, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ཇོང་ཁ (DUHOCTRUNGQUOC.VN) is an independent company and has no affiliation with Wiki Foundation.