ޢާއިޝަތު ޢަލީ ނާޒް
ޑރ ޢާއިޝަތު ޢަލީ ނާޒު އަކީ އިނގިރޭސިވިލާތުގެ ދަ ޔުނިވަރސިޓީ އޮފް މެންޗެސްޓަރއިން، 2010 ވަނަ އަހަރު ކްލިނިކަލް ސައިކޮލޮޖީގެ ރޮނގުން ޑޮކްޓަރ އޮފް ފިލޯސަފީ (ޕީއެޗްޑީ) ހާސިލުކުރެއްވާފައިވާ ފަރާތެކެވެ.
މިއީ ރާއްޖޭގެ ފުރަތަމަ ކްލިނިކަލް ސައިކޮލޮޖިސްޓް އެވެ.
އާއިލާ
ޑރ ޢާއިޝަތު ޢަލީ ނާޒު އަކީ މަޝްހޫރު ދިވެހި ބޭސްވެރިޔާ ޢަލީ ޙުސައިން ( ހ.ސީސައިޑް) ގެ ދަރިއެކެވެ. ޑރ ޢާއިޝަތު ޢަލީ ނާޒުގެ ޢާއިލާ ރާއްޖޭގެ އެންމެ އުތުރުން ފެށިގެން ދެކުނުގެ ރަށްތަކަށްވެސް ފެތުރިފައި ވެއެވެ. އެގޮތުން ބައްޕަ ފަރާތު މާމަ އަކީ ހދ. ކުޅުދުއްފުށި އަދި ހއ. ތަކަންދޫ އަށް ނިސްބަތްވާ ފަރާތެކެވެ. ބައްޕަ ފަރާތު ކާފަ އަކީ ސ.ހުޅުދޫ މީހެކެވެ. މަންމަ ފަރާތު މާމަ އަކީ ޏ، ފުވައްމުލަކު މީހެކެވެ. އަދި މަންމަ ފަރާތު ކާފަ އަކީ މާލޭ މީހެކެވެ.
ޑރ ޢާއިޝަތު ޢަލީ ނާޒުގެ ބޭބެ އަކީ ޑރ އަހުމަދު ޢަލީ ސަވާދު އެވެ.
ތައުލީމް
- 1994 : ބެޗެލާރސް އޮފް އާރޓްސް އިން ސައިކޮލޮޖީ، ސޯސިއޮލޮޖީ ، އިންގްލިޝް އެންޑް އުރުދޫ - ބިޝޮޕްސް ކޮޓަން ވުމަންސް ކްރިސްޓިއަން ކޮލެޖް - ބެންގަލޫރު - އިންޑިޔާ
- 1995 : ޕޯސްޓް ގްރެޖުއޭޓް ޑިޕްލޮމާ އިން ޖާނަލިޒަމް - ބާރަތިޔާ ވިދްޔާ ބަވަން - ބެންގަލޫރު - އިންޑިޔާ
- 1996 : މާސްޓަރސް އޮފް ސައިންސް އިން ކްލިނިކަލް ސައިކޮލޮޖީ - ބެންގަލޫރު ޔުނިވަސިޓީ - ބެންގަލޫރު - އިންޑިޔާ
- 1999 : މާސްޓަރސް އޮފް ފިލޯސަފީ އިން ކްލިނިކަލް ސައިކޮލޮޖީ - ނިމްހެންސް - ބެންގަލޫރު - އިންޑިޔާ
- 2009 : ޕީއެޗްޑީ އިން ކްލިނިކަލް ސައިކޮލޮޖީ - ސުކޫލް އޮފް ސައިކޮލޮޖިކަލް ސައިންސް - މެންޗެސްޓަރ ޔުނިވަސިޓީ - މެންޗެސްޓަރ - އިގިރޭސި ވިލާތް
ލިބިލައްވާފައިވާ ބައެއް ކާމިޔާބީތައް
- މަތީ ދަރަޖަ ހޯދާ ފަރާތްތަކަށް ރައީސުލްޖުމްހޫރިއްޔާ ދެއްވާ ޚާއްޞަ އިނާމު - 2012
- ޞިއްޙީ ދާއިރާއިން؛ ނަފްސާނީ ބަލިތަކާބެހޭ ރޮނގުން؛ ހިތްވަރުދިނުމުގެ ޤައުމީ އިނާމު - 2012
This article uses material from the Wikipedia ދިވެހިބަސް article ޢާއިޝަތު ޢަލީ ނާޒް, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ދިވެހިބަސް (DUHOCTRUNGQUOC.VN) is an independent company and has no affiliation with Wiki Foundation.