ގަލްފު ހަނގުރާމަ
ގަލްފު ހަނގުރާމަ ( ހިގާފައިވަނީ 2 އޮގަސްޓު 1990 ން 28 ފެބްރުއަރީ 1991 އަށް ) އަކީ އިރާޤާއި އެކުވެރި ދައުލަތްތައް ނުވަތަ އދ.
އިން އެކުލަވާލި 34 ގައުމު ހިމެނޭ ގުޅިފައިވާ ފައުޖު އާއި ދެމެދު ކުރެވުނު ހަނގުރާމަ އެވެ. މިހަނގުރާމަ ކުރެވުނީ އިރާގުން ކުވައިތު ހިފުމަށްޓަކައި އެގައުމަށް އަރައިގަނެ އެގައުމުގެ މިނިވަން ނަގާލުމުން ކުވައިތަށް އަނބުރާ މިނިވަންކަން ހޯދައި ދިނުމަށްޓަކައެވެ. ގަލްފު ހަނގުރާމައިގައި އިރާގާއި ދެކޮޅަށް ހަރަކާތްތެރިވި އދ. ގެ ފައުޖުގެ އިސް ދައުރު އަދާކޮށްފައިވަނީ އިގިރޭސި ވިލާތް އަދި އެމެރިކާ އިންނެވެ. މިހަނގުރާމައިގައި ކުވައިތަށް އަރާ ތިބި އިރާގު ސިފައިން ފައްސާލުމުގެ މަސައްކަތް ފެށުނީ ޖެނުއަރީ 1991 ގައެވެ.
1980 ން 1988 އަށް ހިނގި އިރާން އިރާގު ހަނގުރާމަ އަށް ފާރިސީ ގަލްފު ހަނގުރާމަ ވަރަށް ގިނަ ނޫސްތަކުން ކިޔާފައި ވެއެވެ. އަދި ގަލްފު ހަނގުރާމަ އަށް ދެވަނަ ފާރިސީ ގަލްފު ހަނގުރާމަ އޭ ކިޔާފައި ވެއެވެ. ނަމަވެސް އާންމު ގޮތެއްގައި ގަލްފު ހަނގުރާމަ އޭ ކިޔެނީ މިހަނގުރާމަ އަށެވެ. ނުވަތަ މިއީ ފުރަތަމަ ގަލްފު ހަނގުރާމަ އެވެ.
This article uses material from the Wikipedia ދިވެހިބަސް article ގަލްފު ހަނގުރާމަ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ދިވެހިބަސް (DUHOCTRUNGQUOC.VN) is an independent company and has no affiliation with Wiki Foundation.