ތާނަ އަލިފުބާގެ ތަރުތީބު
ތާނައިގެ އަލިފުބާ (Alphabet) ގެ އަކުރުތައް ބެހިގެންވަނީ ދެ ގިސްމަކަށެވެ.
ފުރަތަމައީ ގަބުޅިތާނަ އެވެ. ދެވަނައީ ތިކިޖެހި ތާނައެވެ. ގަބުޅި ތާނައިގެ 26 އަކުރު ބެހެނީ 5 ބަޔަކަށެވެ.
- އަރަބި ވިޔައިން ހެދުނު ނުވަ އަކުރު
- ދިވެހި ވިޔައިން ހެދުނު ނުވަ އަކުރު
- ވިޔަ އަކުރު ނުދެވޭ މައް އަކުރު
- ބޭރުން ވެއްދި އަކުރު
- ބަދަލުވާ އަކުރު
| ސިލްސިލާ ލިޔުންތަކުގެ ބައި އަދަބިއްޔާތު |
| ޅަފަތުގެ ދައުރު |
| އެދުރު އުމަރު މާފަތް ކަލޭގެފާނު |
| ފިރުކެންފެށި ދައުރު |
| ނައިބު ތުއްތު/ޖަމާލުއްދީން |
| ހިނގައި ގަނެވުނުދައުރު |
| މުހައްމަދު އަމީން ދޮށިމޭނާ ކިލެގެފާނު |
އަރަބި ވިޔައިން ހެދުނު ނުވަ އަކުރު
ހ ށ ނ ރ ބ ޅ ކ އ ވ
ދިވެހި ވިޔައިން ހެދުނު ނުވަ އަކުރު
މ ފ ދ ތ ލ ގ ޱ ސ ޑ
ވިޔަ އަކުރު ނުދެވޭ މައް އަކުރު
ޝ
ބޭރުން ވެއްދި އަކުރު
ޒ
ބަދަލުވާ އަކުރު
ޓ، ޏ، ޔ، ޕ، ޖ، ޗ
މިއަކުރު ތަކުގެ ތަރުތީބަކީ ބަދަލުވެވޭ އަކުރުގެ ތަރުތީބެވެ. އެއީ - (ށ، ނ، އ، ފ، ދ، ތ)
ޓ (ށ - ބަށި، ބައްޓެއް)، ޏ (ނ - އުނި، އުންޏެއް)، ޔ (އ - މުއި، މުޔެއް)، ޕ (ފ - ކަފި، ކަތްޕެއް)، ޖ (ދ - ބަނދި، ބަންޖެއް)، ޗ (ތ - ފަތި، ފައްޗެއް)
ބަދަލުވާ އަކުރުތައް ހެދިފައިވަނީ ބަދަލުވާއަކުރުގެ އަސްލުންނެވެ.
- ޓަވިޔަނީގެ އަޞްލަކީ ށަވިޔަންޏެވެ. ޓަވިޔަނި ހެއްދުނީ ށަވިޔަނީގެ ފައިކޮޅު ލަނބާލައިގެންނެވެ. އެހެން ނަމަވެސް ޒަމާން ބަދަލުވެ ޓަވިޔަނީގެ މަތީ ބައިގެ ސިފަ މިހާރު އެ ވަނީ ތާނައިގެ ފަސްވަނަ އަކުރު ކަމުގައިވާ ބ ގެ ސިފައަށް ބަދަލުވެފައެވެ. އެހެނަސް އަޞްލަކީ ށަވިޔަންޏެވެ. ބާއެއް ނޫނެވެ.
- ޏަވިޔަނީގެ އަޞްލަކީ ނޫނެވެ. ޏަވިޔަނި ހެއްދުނީ ނޫނުގެ ފައިކޮޅު ލަނބާލައިގެންނެވެ.
- ޔާ ހެއްދުނީ އަލިފުގެ ފަހަތު ފައިކަށީގައި ގޮށެއް ލައިގެންނެވެ.
- ޕަވިޔަނި ހެއްދުނީ ފާފުގެ ތިރީގައި ތިކިފުޅެއް ޖަހައިގެންނެވެ.
- ޖަވިޔަނި ހެއްދުނީ ދާލުގެ ފައިކޮޅު ލަނބާލައިގެންނެވެ.
- ޗަވިޔަނި ހެއްދިފައިވަނީ ތާގެ މައްޗަށް ދަނޑިކޮޅެއް ލައިގެންނެވެ.
This article uses material from the Wikipedia ދިވެހިބަސް article ތާނަ އަލިފުބާގެ ތަރުތީބު, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ދިވެހިބަސް (DUHOCTRUNGQUOC.VN) is an independent company and has no affiliation with Wiki Foundation.