ފެބްރުއަރީ 30
ފެބްރުއަރީ 30 މި ދުވަހަކީ މީލާދީ ކަލަންޑަރުގައި ނުހިމެނޭ ދުވަހެއް ކަމުގައި ވީ ނަމަވެސް ބައެއް އެހެން ކަލަންޑަރު ތަކުގައި ފެބްރުއަރީ މަހުގައި 30 ދުވަސް އޮވެއެވެ.
އަދި ބައެއް ފަހަރު ފެބްރުއަރީ 30 އަދި ފެބްރުއަރީ 31 ޚިޔާލީ ތާރީޚުތަކެއްގެ ގޮތުގައި ބައެއް ވާހަކަ ތަކުގައާއި ޖޯކު ތަކުގައާއި އަދިވެސް އެހެނިހެން ޙާލަތްތަކުގައި ބޭނުން ކުރެވެއެވެ.
ކުރީގެ ޖޫލިއަން ކަލަންޑަރު
13ވަނަ ޤަރުނު ގައި އުޅުއްވި ޢިލްމު ވެރިޔާ ސަކްރޮބޮސްކޯ ވިދާޅުވާ ގޮތުގައި 45 ބީސީ އާއި 8 ބީސީ އާ ދެމެދުގެ އަހަރުތަކުގެ ޖޫލިއަން ކަލަންޑަރުގައި ލީޕް އަހަރެއްގެ ފެބްރުއަރީ މަހުގައި 30 ދުވަސް އޮވެއެވެ. މިކަން ބަދަލުކޮށް ލެއްވީ އޮގަސްޓަސް އެވެ. އެއީ ޖޫލިއަސް ސީޒަރު ގެ ނަމަށް ނިސްބަތް ކުރެވިފައިވާ ޖުލައި މަހާއި، އޮގަސްޓަސްގެ ނަމަށް ނިސްބަތްވާ އޮގަސްޓު މަހާ، ހަމަހަމަ ކުރުމުގެ ގޮތުންނެވެ. އެހެން ވުމުގެ ސަބަބުން ފެބްރުއަރީ މަހުގެ ދުވަސްތަކުގެ ޢަދަދު 29 އިން 28 އަށް ބަދަލުވީއެވެ. އޮގަސްޓު މަހުގެ ދުވަސްތަކުގެ ޢަދަދު 30 އިން 31 އަށް ބަދަލުވީއެވެ. އަދި ހަމަ އެފަދައިން ލީޕް އަހަރެއްގެ ފެބްރުއަރީ މަހުގައި އޮންނަ ދުވަސްތަކުގެ ޢަދަދު 30 އިން 29 އަށް ބަދަލުވީއެވެ. ނަމަވެސް ބައެއް ޢިލްމު ވެރިން ސަކްރޮބޮސްކޯގެ މިބަހާ އެއްބަހެއް ނުވެއެވެ.
This article uses material from the Wikipedia ދިވެހިބަސް article ފެބްރުއަރީ 30, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ދިވެހިބަސް (DUHOCTRUNGQUOC.VN) is an independent company and has no affiliation with Wiki Foundation.