ހިރުގަނޑު ދުޅަވުން
ހިރުގަނޑު ދުޅަވުމަކީ ހިރުގަނޑު ރަތްވެ، ލޭއައުމާއެކު، ދުޅަވެފައި ހުރުމެވެ.
މިކަމުގެ ސަބަބުން ބައެއް ފަހަރު ހިރުގަނޑުން ބައެއް ފާރުވެ، ހަލާކުވާގޮތް މެދުވެރި ވެއެވެ. ނުރައްކާތެރި ޙާލަތްތަކުގައި ހުންއައުން އަދި އަނގައިން ނުބައި ވަސްދުވުން ފަދަ ކަންތައްތައް މެދުވެރިވެއެވެ.
ހިރުގަނޑު ދުޅަވުން ކުރިމަތިކުރުވާ އެންމެ އާންމު އެއް ސަބަބަކީ ދަތްތަކުގައި ކޮބަޑި ޖެހުމެވެ. ހިރުގަނޑު ދުޅަވުމުގެ ވައްތަރެއް ކަމުގައިވާ ވިންސެންޓްސް އެންޖައިނާ ކުރިމަތިވަނީ ކުރިން ހަލާކުވެފައިވާ ހިރުގަނޑެއްގައި ސްޕައިރޮކީޓްގެ ވައްތަރެއް ކަމުގައިވާ ބޮރީލިއާ އަދި ބެކްޓީރިޔާ އެއް ކަމުގައިވާ ފިއުސޯބެކްޓީރިއަމް ހިރުގަނޑުގައި ލާމެހި އެކުވެ އާލާވުމުންނެވެ.
ހިރުގަނޑު ދުޅަވުން ކުރިމަތިކުރުވާ ސަބަބު ތަކުގެ ތެރޭގައި ، އަނގައިގެ ތެރޭގައި އިންފެކްޝަން އަށަގަތުން، ރަގަޅަށް ދަތްތައް ސާފު ނުކުރުން، އުފެދުމުގައި ދަތްތައް ދުރުދުރުން އެތުރިފައި ހުރުން ފަދަ ކަންތައްތައް ހިމެނެއެވެ.
This article uses material from the Wikipedia ދިވެހިބަސް article ހިރުގަނޑު ދުޅަވުން, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ދިވެހިބަސް (DUHOCTRUNGQUOC.VN) is an independent company and has no affiliation with Wiki Foundation.